2 KORINTUS 11:9 - BOWOT BOHUA

⁹ Amat ang ohkot orih ahku tahpas, ahku eam pu'u monyusah ihcobehti ka tahkan ihkam. Paring ijo ahku poruluoh, tonyodia bain konduang-konduang ijo lombut tahkan Makedonia. Ahku monjaga pio-pios mangat ahku eam monyusah ihkam a'ang hal inon ka, tutang ahku ahkan turus monjaga mangat orih tahtap kodorih.

2 KORINTUS 11:9 ပူးပေါင်းရင်းမြစ်များ

KESAH RASUL-RASUL 18:3

turus mohcon ang anan umba iro, tutang bogawi sama-sama umba iro, tului ijo nyotiar iro sama kolou gawin Paulus, iorih napa kemah.

KESAH RASUL-RASUL 18:5

Uliorih Silas tutang Timoteus johcok tahkan Makedonia, Paulus mongguna koparing ohkotoh ahkan mborihta tahkan Pohotala ahkan ulun-ulun Yahudi, ijo Yesus orihrih Lahca Ponyolamat ijo tonobowot bain Pohotala.

KESAH RASUL-RASUL 20:33

Jaha pu'u ahku jolik duit ata'ai hahtin tahkan ihcobehti ka.

RUMA 15:26

Tului ukup-ukup ang Makedonia tutang Akhaya jari sotuju ahkan nonga pononga ahkan konduang-konduang ijo porosbolum ang louk ukup Pohotala ang Yerusalem.

1 KORINTUS 16:17

Ahku sanang ngosan polombut Stepanus, Portunatus, tutang Akkaikus; Iro koloujahka tokirin ihkam ahkak'ku.

2 KORINTUS 6:4

Sobalikoh, a'ang kokaron hal, ihkai ngorinah ijo ihkai anairih jihpon-jihpon Pohotala. Tului, karon mahcam kosusah jari ihkai ngarotoh hawui sabar,

2 KORINTUS 9:12

Kotului gawi pios ijo ihkam nguaioh tuh, eam tihkas monyukup kotahpas ukup Pohotala iou, tahpi ka'a ahkan kotuluioh aro ulun botorimakasih ahkan Pohotala.

PILIPI 2:25

Tohou konduang ihto Epafroditus ijo ihkam nyuhu mangat dohop ahku, ahku komo porulu ahkan nyuhu io hoduli ahkan ihkam. Io ius mambai ahku a'ang gawi tutang kolahik'ku.

1 TESALONIKA 2:6

Ihkai eam ka'a ngurah jalan, ahkan ngondahpot tara tahkan ulun – pios tahkan ihkam, oluka tahkan ulun bohkon. Komorongoh kolou rasul Kristus, ihkai tou iou nutut aang'co tahkan ihkam.

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

IBRANI 11:37

Iro tomukah umbabahtu nyiring mahtoi, anai ijo tonohtok umba gergaji, tutang ijo tomunu umba padang. Iro mongombara hapan hahtin tahkan upak tobiri ata'ai upak kambing; iro porosbolum, tonoporos tutang tonyiksa.