2 KORINTUS 11:4 - BOWOT BOHUA

⁴ Kotului kolouoh ihkam sanang iou, norima ulun ijo lombut ahkan'kam, tutang majar tohou Yesus ijo bohkon – eam Yesus ijo ihkai pokosonooh ahkan'kam. Tutang ihkam kani ka'a nyambut roh tutang ‘‘Kabar Hinut’’ ijo samasino hokobohkon umba Roh Pohotala tutang Kabar Hinut ijo pu'u ihkam norimaoh tahkan ihkai.

2 KORINTUS 11:4 ပူးပေါင်းရင်းမြစ်များ

MARKUS 7:9

Turus Yesus nuhtui hino, ‘‘Ihkam ahpik samasino nulak poretah Pohotala, mangat tehen umba ajaran'mu bongom.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

RUMA 8:15

Tului Roh, ijo tonongaoh bain Pohotala ahkan ihkam, eamrih napa ihkam monjadi jihpon nyiring ihkam bolum ang luwang kihkoh. Tobalikoh Roh Pohotala rih, ngonjorian ihkam anak-anak Pohotala. Tutang honong kowasa Roh Pohotala rih, tona'ah Pohotala rih, ‘‘Abba, io Amai'ku!’’

1 KORINTUS 3:11

Tului Pohotala bongoi jari potuot Yesus Kristus kolou ihco-ihcooh, galang ahkan gedung rih; eam aro galang ijo bohkon.

2 KORINTUS 11:1

Nyuhurih ahku nguan kolou uong honjiot. Tou, kowa?

2 KORINTUS 2:12

Ang ohkot ahku johcok ang Troas, tutang nohuang ahkan mborihta oh Kabar Hinut tohou Kristus, Tuhan jari nguap jalan ahkak'ku ahkan bogawi ang unuk rih.

GALATIA 3:2

Cuba nyorihta ahkak'ku ihco hal tuh; Kuwohrih ihkam jari norima Roh Pohotala tului molalus hukum agama, ata'airih tului ihkam jari ngonih Kabar Hinut tahkan Pohotala, tutang porocaya umba Yesus Kristus?

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 2:5

Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.