2 KORINTUS 11:3 - BOWOT BOHUA

³ Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

2 KORINTUS 11:3 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 11:20

Ihkam mohonou ahku kolou ulun mohojihpon ihkam, ata'ai mohamih, tutang ngomin utung tahkan ihkam, ata'ai komo arop labih isung tahkan ihkam, tutang bohanyi napar'kam.

2 KORINTUS 11:29

Amat anai ijo bolomu, ahku ka umba komo kolomu ka'a. Amat anai ijo botahak ang luwang dusa, ahtoi'ku umba lonyuh.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

GALATIA 1:6

Ahku helan tohou Konduang-konduang! Ihkam tona'ah Pohotala bain tului ponongaasin Kristus, tahpi huntuh ihkam kodorih jeleng nolihkut Pohotala tutang nutut ‘‘kabar pios’’ ijo bohkon tahkanmba Kabar Hinut ijo tahkan Pohotala.

GALATIA 2:4

Oluka anai ulun-ulun ijo hojojuan hal rih. Iro anairih ulun-ulun ijo nosolat nokuh luwang barih ihto, tutang nyoruwa kolou konduang. Iro nyolong honong toni-tonih ahkan nyolidik komorodehka ijo anai aang ihto, kotului ihto hihco umba Kristus Yesus. Iro kani mombuli ihto, aang koada'an ijo pahtuk lomoi kolou jihpon,

GALATIA 3:1

Konduang-konduang ulun-ulun Galatia! Ihkam kotu'ui uong! Inonrih ihkam jari kona pongaroh iai? Pompahtoi Kristus ang sopolahki jari ahku monarangoh hawui botarang-tu'uoh ahkan'kam.

GALATIA 4:11

Ahku kowatir, ara-ara koheka koujuh'ku, ahkan ihkam nyia-nyia iou.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 6:24

Keleh Pohotala mborehkat Konduang paring, ijo sita Tuhan ihto Yesus Kristus honong asiu ijo eam dahpot bolop. Horomat ihkai, Paulus

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:4

Ahku monyorihtaoh tuh, mangat ihkam a'ai tonihpu bain iaika ka'a ijo baui manih ahkan'kam.

KOLOSE 2:8

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 2:14

Tutang eamoh Adam, molekan ulunbawi ijo totihpu, nyiring molanggar poretah Pohotala.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

TITUS 1:10

Tului aro ulun ijo jolik mohiwang, pahtuk ulun-ulun ijo nanaioh boagama Yahudi; iro monihpu ulun bohkon umba pander puang iro.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

2 PETRUS 3:17

Tahpi ihkam, Konduang-konduang ijo tononyita, ius ngota'an tohou hal rih. Kotului rih, bojaga-jaga iou, ara nyiring ihkam toomin-omin nokuh luwang kolahcat, ulun-ulun bejad nyiring ihkam ngonyahtu tahkan unuk'mu botihcak ijo segah.

2 PETRUS 3:3

Sula-sulakoh ihkam harus ngota'an, ijo aang ondou-ondou laiu, ahkan lombut ulun-ulun ijo pombolumoh konowasa bain kojolik bolai iro bongoi. Iro ahkan hololea ihkam

1 YOHANES 2:18

Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.

PONGORINAH 12:15

Mahka naga rih monopurus tahkan nyamaioh aro samasino danum nitu ulunbawi rih, ahkan ngohanyutoh.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 20:2

Turus io monawan naga rih, lohi oko – yorih Sehtan ata'ai Roh Ja'at rih – tutang momasungoh ahkan sokujan toun kotahiuoh.