2 KORINTUS 11:2 - BOWOT BOHUA

² Ahku rindu umba'kam, kolou Pohotala bongoi ka rindu umba'kam. Ihkam anai kolou ihcobehti anakdara bujang tindih, ihco magun borasih, ijo jari ahku mbowotoh, ahkan tonongawinoh umba ihcobehti bosai, iorih Kristus.

2 KORINTUS 11:2 ပူးပေါင်းရင်းမြစ်များ

YOHANES 3:29

Pongahten bawi rih anairih ain pongahten ijo bahkas. Sahabat pongahten bahkas rih tihkas tombok mambai tutang ngonih, tutang io sonang amat ngonih auh pongahten bahkas. Kodorih ka'a umba ahku. Uhuntuh ahku sonang samasino.

RUMA 7:4

Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

1 KORINTUS 4:15

Kobain ahku ijo monjadi amai ihkam, oluka tousama kolou ulun Kristen, ihkam ius tepun sopulu ribu guru. Ang luwang pombolum'mu kolou ulun-ulun ijo ihco umba Kristus, ahku ijo monjadi amai ahkan'kam, kotului ahku ijo ngomin Kabar Hinut tohou Kristus ahkan'kam.

2 KORINTUS 4:14

Ihkai yakin, ijo Pohotala ijo jari ngombolum hoduli Tuhan Yesus, ahkan ngombolum ihkai ka'a honong Yesus, tutang ngomin ihkam tutang ihkai nokuh toharep-Oh.

GALATIA 4:11

Ahku kowatir, ara-ara koheka koujuh'ku, ahkan ihkam nyia-nyia iou.

PILIPI 1:8

Pohotala kota'an ijo ahku tu'u-tu'u rindu sino umba'kam, umba nanyam kasih-mesra tahkan Kristus Yesus bongoi.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

1 TESALONIKA 2:11

Ihkam ta'an, ijo ihkai mohaga ihkam nyino-nyinong, kolou ihcobehti Amai mohaga anak-anakoh.

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.