2 KORINTUS 11:1 - BOWOT BOHUA

¹ Nyuhurih ahku nguan kolou uong honjiot. Tou, kowa?

2 KORINTUS 11:1 ပူးပေါင်းရင်းမြစ်များ

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

KESAH RASUL-RASUL 18:14

Kodorih Paulus kani mutah, Galio jari houn nuhtui umba ulun-ulun Yahudi, ‘‘O ulun-ulun Yahudi! Amat ijo tongohu ihkam tuh ihco polanggaran ata'ai ihco koja'at, puna kopahtutoh ahku sabar ngonih pongaduanoh ihkam tuh.

KESAH RASUL-RASUL 26:29

‘‘Aang ohkot ijo iwak ata'ai aang ohkot ijo ombu,’’ hion Paulus, ‘‘ahku bodo'a umba Pohotala, mangat Lahca tutang Tuan-tuan paringoh, ijo ngonih auh tuhtui'ku ondou tuh duon jadi kolou ahku – sobali pasang tuh tontuoh!’’

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 3:18

Ararih ihcobehti ka ngabalik aropoh bongoi. Amat anai ulun ang louk'kam, komo aropoh horahti numbun tihpong kolunon tuh, ulun rih harus kolou ulun uong, mangat io monjadi moro-morong horahti.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

1 KORINTUS 4:8

Puna ihkam eam porulu ino-inon hino! Ihkam jari tahtou! Ihkam jari monjadi lahca! Tutang ihkai eam. Eaminon kopiosoh amat ihkam tu'u morong monjadi lahca, mangat ihkai duon moretah homboh ihkam.

2 KORINTUS 11:19

Ihkam hawui sanang ahtoi, bosabar toharep ulun ijo uong, kotului ihkam komo arop kodorih ahpik!

2 KORINTUS 11:21

Ahku mia ngahku, ijo ihkai dalou bolomu, ahkan nguan kolou orih rih. Tahpi inon ijo ulun bohkon bohanyi tamam, ahku bohanyi ka'a! (Ahku bopander kolou ulun uong.)

2 KORINTUS 11:4

Kotului kolouoh ihkam sanang iou, norima ulun ijo lombut ahkan'kam, tutang majar tohou Yesus ijo bohkon – eam Yesus ijo ihkai pokosonooh ahkan'kam. Tutang ihkam kani ka'a nyambut roh tutang ‘‘Kabar Hinut’’ ijo samasino hokobohkon umba Roh Pohotala tutang Kabar Hinut ijo pu'u ihkam norimaoh tahkan ihkai.

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

2 KORINTUS 5:13

Amat ihkai puna topahjahoh jari bobucon, orih anairih demi gunan Pohotala. Tutang amat ihkai gihtanoh waras, orih demi kogunai ahkan ihkam.

IBRANI 5:2

Imam hajo rih bongoi bolomu a'ang karo hal, tutang kotului orih io tou nguan kolomu lembai, toharep ulun-ulun ijo eam ta'an ino-inon, tutang ijo sosat jalaioh.