2 KORINTUS 10:4 - BOWOT BOHUA

⁴ Pokahkas-pokahkas ijo ihkai ngunaoh ang luwang kolahin 'kai eamoh pokahkas kolunon tuh, tahpi pokahkas-pokahkas Pohotala ijo bokowasa. Honong pokahkas-pokahkas orihrih ihkai moluhtek unuk botahan; ihkai mokila hojawab-hojawab,

2 KORINTUS 10:4 ပူးပေါင်းရင်းမြစ်များ

KESAH RASUL-RASUL 7:22

Karon ilmu uhtus Misir uras duoi tahkan ulun Misir ijo tomara ahkaioh tutang io monjadi ulun ijo paling bokowasa a'ang tuhtui tutang konuai-konuaioh.

RUMA 13:12

Kopindong ius doni nokalou; tutang eam pira hino ahkan boloang. Jadi, pios ihto tondo nguan gawin-gawin kopindong rih. Ihto harus monyuhkup arop ihto umba pokahkas koloang.

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

1 KORINTUS 2:5

Ahku nguai kodorih, mangat koporocayan'kam umba Kristus, eam hogalang kohorahtin ulun, molekan hogalang kowasan Pohotala.

1 KORINTUS 9:7

Eam aro jolahan sorodadu ijo pahtut ngurah ukus aropoh bongoi, ang luwang posukan kolahi! Eam anai pongumo ijo ngombulan anggur ang pobulanoh, turus eam kuman bua anggur rih tahkan pombulan orih! Eam anai sokahtik ijo mohaga tobirioh, turus eam ngorih susu tahkan tobiri-tobirioh rih!

2 KORINTUS 10:8

Ahku eam mia, amat ahku harus labih aro namam-namam umba kowasa ijo jari tononga Tuhan ahkan ihkai, kotului kowasa orih, tononga ahkan mangun ihkam, eam ijo ahkan ngahkasoh.

2 KORINTUS 13:10

Orihrih kotuluioh ahku nyurat surat tuh, ang ohkot ahku jaha anai ang tohun ihkam. Honong kodorih, amat ahku lombut noin, eam usah ahku botindak karas toharep'kam, honong hapa kowasa ijo tononga Tuhan ahkak'ku. Kowasa orih tononga ahkan mangun ihkam eam ahkan morusak ihkam.

2 KORINTUS 3:5

Ihkai eam tepun aangihco alasan ka, ahkan ngorinah ijo ihkai puna nyanggup nguan gawi tuh, tahpi Pohotala ijo nonga koulih rih ahkan ihkai.

2 KORINTUS 4:7

Tahpi ponahtou rohani ijo komok orih, ihkai ngomiuoh ang luwang arop ihkai ijo eam borega tuh, ijo tonapa tahkan tana. Honong kodorih korinah bain kohajon kowasa rih mohcon aang Pohotala tutang eam aang ihkai.

2 KORINTUS 6:7

homboh hawui mborihta kabar ijo tahkan Pohotala, tutang umba kowasan Pohotala, ihkai ngorinah ijo ihkai tuh anairih jihpon-jihpon Pohotala. Ihkai nambit aang kohondak Pohotala, kolou sanjatan ihkai ahkan nyarang, oluka ahkan mombela arop.

1 TESALONIKA 5:8

Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

1 TIMOTEUS 1:18

Timoteus anak'ku! Gawik'ku tuh, ahku morocayaoh umba'kam mongingat ahkan pohtoh Pohotala ijo tonuhtui bain nabi-nabi aang ukup tohou arop'kam. Kohondakrih pohtoh rih monjadi bohahti bagi'kam, a'ang kolahi ijo hinut.

2 TIMOTEUS 2:3

Ihko harus umba ngarot kolou sorodadun Kristus Yesus ijo te'et.

IBRANI 11:30

Kotului porocaya, ulun-ulun Israel nguan dinding kohta Yerikho, bolukang uli iro ngodilingoh kotahin pihtu ondou.