2 KORINTUS 10:1 - BOWOT BOHUA

¹ Uhuntuh ahku, Paulus, kani nyurung aang'co ahkan'kam. Ahku tuh, numbun hion ulun, bolomu-lembai amat hotoharep umba ihkam, tahpi bohanyi amat hokomahcu. Nah, kotului kolomukolembai tutang kopios ahtoi Kristus!

2 KORINTUS 10:1 ပူးပေါင်းရင်းမြစ်များ

MATEUS 11:29

Numbun poretah-Ku tutang bajar tahkan Ahku, tului Ahku tuh bolomu lembai tutang randah ahtoi, mahka ihkam ahkan nginyam komangat.

MATEUS 21:5

“Mborihtarih ahkan Sion, Lahca'kam, rahat lombut ahkan'kam. Io randah ahtoi tutang nunggang, ihcokungan keledai, ihcokungan anak keledai ijo biou.”

KESAH RASUL-RASUL 8:32

Tuh io ayat ijo konomasaoh rih, ‘‘Io kolou tobiri ijo onin ahkan tonyombalih, kolou anak tobiri ijo eam ngoriak amat buluioh tonguting, kodorih ka'a io eam nuhtui ihco kotihkap auh ka.

RUMA 10:20

Yesaya labih bohanyi hino. Io nuhtui, ‘‘Koloutuh auh Pohotala, ‘Ulun-ulun ijo eam ngurah Ahku, jari monyombang Ahku; tutang Ahku mongorinahoh arop-Ku ahkan iro ijo eam mongisokoh tohou Ahku!’ ’’

RUMA 12:1

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

RUMA 15:15

Tahpi tohou hal-hal ijo botatu ahku mopingat ihkam hawui tegas aang surat tuh, tului Pohotala jari nyarah ahkak'ku gawi tuh.

1 KORINTUS 2:3

Kotihka ahku anai umba ihkam, ahku bolomu tutang moruguh mihkoh.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

1 KORINTUS 4:21

Jadi, ngopili iou inon ijo ihkam labih jolikoh! Inon ihkam kani ahku lombut mangat majar ihkam hawui karas, ata'ai ahku lombut majar hawui kolomun auh tutang ngasi nyayang?

2 KORINTUS 10:10

Ulun nuhtui, ‘‘Surat-surat Paulus rih tegas tutang bopongaroh, tahpi amat io bongoi anai ang tohun-tohun ihto, aropbongoioh bolomu tutang tuhtui-tuhtuioh eam borima ino-inon.’’

2 KORINTUS 10:2

Ahku nyawot honong paham, a'ai nguan ahku toropaksa nguan kokaras toharep ihkam, amat ahku lombut noin. Kotului ahku boniat ahkan botindak tegas toharep ulun-ulun ijo nuhtui, ijo ihkai bogawi umba titun-titun kolunon.

2 KORINTUS 10:7

Hondakoh ihkam borendeng umba koada'an ijo kotu'uioh. Amat ihcobehti yakin, ijo io ain Kristus, hondakoh io mopingat aropoh bongoi, tutang borendeng ijo ihkai ka'a ain Kristus kolou io.

2 KORINTUS 11:21

Ahku mia ngahku, ijo ihkai dalou bolomu, ahkan nguan kolou orih rih. Tahpi inon ijo ulun bohkon bohanyi tamam, ahku bohanyi ka'a! (Ahku bopander kolou ulun uong.)

2 KORINTUS 11:30

Nah, amat ahku harus monamam angihco mahka ahku namam hal-hal ijo ngorinah kolomuk'ku rih.

2 KORINTUS 12:5

Tohou ulun orih ijo kani ahku namamoh, eam tohou arop'ku bongok. Tohou arop'ku, tihkas hal-hal ijo nunjuk kolomu aik'ku orihrih ijo kani ahku namamoh.

2 KORINTUS 3:12

Bain kotului ihkai anaingina koharap kolourih, mahka ihkai bohanyi bopander kodorih.

2 KORINTUS 5:20

Jadi ihkai anairih monjadi pohalu-pohalu Kristus. Nguha ihkai Pohotala bongoi ijo nyapai pohtoh-Oh. Ngasan aran Kristus ihkai nyawot hawui paham, torima njuluk longon Pohotala ijo toudahpon ihkam hokopios umba Io.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

2 KORINTUS 7:4

Ahku ngina koporocaya tuwi ahkan'kam. Malah ahku namam samasino toharep'kam! Oluka ihkai nyuru aro kosusah, ahtoi'ku paham konapung tului ihkam. Ahtoi'ku tu'u-tu'u jorih!

GALATIA 4:13

Ihkam puna magun ingat inon ijo kotuluioh ahku ang pahtukoh mborihta Kabar Hinut rih ahkan'kam. Kotuluioh, iorih, tului ahku buah koporos.

GALATIA 5:2

Ingat! Amat ihkam nyawot tunyunat orih rimai Kristus eam anai gunaioh bagi ihkam. Ijo nuhtui tuh, anai ahku bongok, Paulus.

EPESUS 3:1

Orih kobainoh ahku, Paulus, tonyihpir kotului Kristus Yesus ahkan gunan ihkam ijo bohkon Yahudi.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

PILIPI 4:5

Hondakrih paring ulun duon nohto sikap'kam ijo pios ahtoi. Tului eam tahi hino Tuhan ahkan lombut.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

2 TESALONIKA 3:17

Tahbe tahkan ahku, Paulus. Ahku bongok ijo nyurat bagian tuh. Tuhrih tanda ijo ahku ngina ang paring surat aik.

PILEMON 1:19

Nah, piosrih ahku nyurat bongok ang ohtoi: Ahku, Paulus, ahkan molunas paringoh. (Puna eam perulu ahku mingatoh ijo Konduang bongon anaingina utang umba ahku, io rih pombolum'mu ijo bohua kolou ulun Kristen.)

PILEMON 1:9

Tahpi tului ahku ngasih Konduang, ahku tihkas nyawot iou. Ahku ihcobehti oko, tutang huntuh rahat tonahan ang luwang sipir kotului Kristus Yesus.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.