2 KORINTUS 1:12 - BOWOT BOHUA

¹² Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 1:12 ပူးပေါင်းရင်းမြစ်များ

KESAH RASUL-RASUL 23:1

Paulus notuneng okon-okon majelis rih, turus io nuhtui, ‘‘Konduang-konduang'ku! Nyiring ang ondou tuh, ahku eam komo bosala umba Pohotala, ang luwang ahtoi bua'ku, tohou pombolum'ku.’’

KESAH RASUL-RASUL 24:16

Orih kotuluioh, ahku toturus ngurahjalan ijo somoro-morongoh, mangat ahtoi bua aik'ku borasih, tohimo Pohotala tutang borasih toharep kolunon.

RUMA 9:1

Inon ijo ahkan ahku nuhtuioh tuh, anairih morong, tului ahku ain Kristus. Ahku eam bobula. Ahtoi bua'ku ijo toniting bain Roh Pohotala, moyahkin ahku ka'a, ijo tuhtui'ku rih morong.

1 KORINTUS 1:17

Kristus nyuhu ahku, eam ahkan mopondus ulun, molekan ahkan mborihta Kabar Hinut tahkan Pohotala; tutang orih ka harus ahku nguai, eam aro hapan koahpik'ku bopander numbun kolunon, mangat kowasa tahkan popahtoi Kristus ang sopolahki, eam monjadi sia-sia.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

1 KORINTUS 2:13

Kotului rih, amat ihkai monarang dolang hal tohou Pohotala ahkan ulun-ulun ijo anaingina Roh Pohotala, ihkai eam monarangoh numbun kopihtaran kolunon, molekan numbun ajar Roh Pohotala.

1 KORINTUS 4:4

Ahku eam komo bosala a'ang hal inon ka ka'a, tahpi orih eam bukti ijo ahku puna eam bosala. Tuhan bongoi ijo nuhkas ahku bosala ata'ai eam.

1 KORINTUS 5:8

Jadi, olai ihto moporami pesta ihto rih, umba ruhte ijo boragi, iorih luhte ijo nindung koborasih tutang paringoh ijo kojorih ang ahtoi Pohotala. A'ai ihto moporami pesta Paska orih umba ruhte ijo hewui ragi ijo usang, iorih ragi dusa tutang koja'atoh.

2 KORINTUS 1:17

Tahpi ahku ius ngubah niat'ku rih; nah, inon rih ijo korinah ijo tiruk'ku eam dehen? Ohkot nguan rancana, inon ahku nguan rancana numbun konohuang'ku bongok, honjulu nuhtui ‘‘Yo’’ tutang honjulu ‘‘Eam’’?

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

2 KORINTUS 8:8

Ahku eam nganjur orih kolou ihco poretah. Tahpi honong ngorinah, eaminon giatoh ulun bohkon dohop sama aropoh, ahku ka'a jolik kota'an nyiring umoh sitan'kam.

GALATIA 6:4

Nyinong ulun harus moriksa bongoi inonrih hadatdasaroh rih pios ata'ai ja'at. Amat pios io tou komo tamam ngosan hal rih. Tahpi eam usah io monyamaoh umba inon ijo tonguan ulun bohkon.

EPESUS 6:14

Hondakrih ihkam tahtap bojaga. Hapa kokehtep umba Pohotala, monjadi pohtong kahang'kam, tutang kotulus-ahtoi kolou baju sanaman'kam.

PILIPI 1:10

Honong kolourih ihkam ta'an mitih inon ijo kopiosoh, tutang pombolum'kam borasih tahkan cela'an, ata'ai dawa'an inon ka, ka'a ang ondou Kristus lombut hoduli.

1 TESALONIKA 2:10

Ihkai bolum honong borasih, morong tutang eam anai cela toharep ihkam, ijo jari porocaya ahkan Kristus. Ihkam holeam saksin-saksin ihkai, kodorih ka'a Pohotala.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

IBRANI 13:18

Toturus iou bodo'a ahkan ihkai. Ihkai yakin ahtoi bua ihkai brasih, kotului aang karo hal ihkai turus kani nguan inon ijo morong.

YAKOBUS 4:6

Oluka kolourih, pononganasi Pohotala ijo tononga ahkan ihto labih ba'as, tahkanumba kojolik-kojolik roh ihto rih. Orihrih kotuluioh ang luwang Surat Borasih tonyurat ka'a, ‘‘Pohotala ngolawan ulun ijo bojuhu, tahpi sobalikoh, Io ngasih ulun ijo randah ahtoi.’’

1 PETRUS 3:16

Tahpi nguanohrih honong bolomu luwah tutang horomat. Tutang hondakrih ahtoi bua'mu borasih, mangat amat ihkam tonopitnah, kotului ihkam bolum hawui hinut kolou murid Kristus, mahka ulun ijo mopitnah rih ahkan monjadi mia bongoi.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,