1 YOHANES 5:8 - BOWOT BOHUA

⁸ Roh Pohotala, danum tutang daha – kotolu-toluoh nonga kosaksian ijo sama.

1 YOHANES 5:8 ပူးပေါင်းရင်းမြစ်များ

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

MARKUS 14:56

Aro saksi ijo tona'ah ahkan nonga kosaksian alik toharep Yesus, tahpi kosaksian iro rih hokolawan ihco umba ijo bohkon.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 19:34

Tahpi kombuhang Yesus tonyadop hapan lunju bain ihcobehti tahkan sorodadu-sorodadu rih, tutang cohpat soluka daha tutang danum.

KESAH RASUL-RASUL 15:15

Orih tohorong umba ijo jari nujum bola-nabi lomoi. Tului anai tonyurat koloutuh,

RUMA 8:16

Roh Pohotala sama-sama umba Roh ihto, mongorinah, ijo ihto tuh anairih anak-anak Pohotala.

2 KORINTUS 1:22

Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

IBRANI 13:12

Orihrih kotuluioh Yesus ka'a mahtoi ang luar bauntukang lowu ahkan muhi ukup-Oh tahkan dusa umba daha-Oh bongoi.

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 YOHANES 5:9

Ihto porocaya umba kosaksian kolunon, tahpi kosaksian Pohotala labih ba'as hino. Tutang orihrih kosaksian ijo jari tononga bain Pohotala tohou Anak-Oh.