1 YOHANES 5:18 - BOWOT BOHUA

¹⁸ Ihto ta'an ijo paring ulun ijo jari monjadi anak-anak Pohotala, eam hototurus mawi dusa, tului Anak Pohotala ngolindungoh, tutang si Ja'at eam dahpot mawi ino-inon tohimo io.

1 YOHANES 5:18 ပူးပေါင်းရင်းမြစ်များ

MATEUS 5:37

Nuhtui iou, amat ‘Yo’ ata'ai ‘Eam’ – molowi umba orih, polombutoh tahkan sehtan.”

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

YOHANES 1:13

ijo tonganakoh bohkon tahkan ulun, tului bolum bohua rih tahkan Pohotala asaroh.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 15:4

Tohtaprih hihco umba Ahku tutang Ahku ka'a ahkan tohtap hihco a'ang ihkam. Da'an bongoi eam tou momua, kocoali amat io tohtap aang batangoh. Kodorih ka'a ihkam tihkas tou momua, amat tohtap hihco a'ang Ahku.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 15:9

Kolou Amai ngasihoh Ahku, kodorih ka Ahku ngasihoh ihkam. Hondakrih ihkam tohtap bolum kolou ulun ijo Ahku ngasihoh.

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

1 PETRUS 1:23

Kotului nguha auh Pohotala ijo bolum tutang ijo abadi ihkam ius tonojadioh kolunon bohua, ijo eamoh konanak tahkan kolunon, molekan tahkan Amai ijo abadi.

1 YOHANES 2:29

Ihkam jari ta'an ijo Kristus bolum numbun konohuang Pohotala. Tului orih ihkam harus ta'an hino, ijo nyinong ulun ijo bolum numbun kohondak Pohotala anai rih anak Pohotala.

1 YOHANES 3:12

Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.

1 YOHANES 3:9

Ulun ijo jari monjadi Anak Pohotala, eam hototurus nguan dusa, kotului sipat Pohotala bongoi anai luwangoh. Tutang kotului Pohotala rih Amaioh, mahka io eam duon hototurus nguan dusa.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.

1 YOHANES 5:15

Tului ihto ta'an ijo Io ngonihoh ihto, amat ihto nyawot umba-Oh, mahka ihto ta'an ka'a, ijo Io nongaoh ihto, inon ijo ihto nyawot tahkan Io.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.

1 YOHANES 5:21

Anak-anak'ku, ngomahcuohrih arop'kam tahkan dewa-dewa!

1 YOHANES 5:4

tului nyinong anak Pohotala sanggup pokalah kolunon ijo ja'at tuh. Tutang ihto mongalah kolunon umba koporocayan ihto.

YUDAS 1:21

tutang bolumrih toturus ang pinda kosingou kasih Pohotala kotahin ihkam ngindoi pononganasin Yesus Kristus Tuhan ihto, ijo ahkan nonga ahkan'kam pombolum sojahti tutang kototahiu.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.