1 YOHANES 5:14 - BOWOT BOHUA

¹⁴ Tutang ihto bohanyi noharep Pohotala, tului ihto yahkin Io monorima do'a ihto, amat ihto nyawot inon iou, ijo tohorong umba kohandak-Oh.

1 YOHANES 5:14 ပူးပေါင်းရင်းမြစ်များ

MATEUS 21:22

Inon beweu ijo ihkam nyawot ang do'a'mu, ihkam ahkan norimaoh, asar ihkam porocaya.”

YOHANES 11:42

Ahku ta'an Ihko toturus ngonih Ahku, tahpi Ahku nuhtui tuh, bagi ulun-ulun ijo anai ang ohtoi; mangat'ndo porocaya ijo Ihko rih ijo nyuhu Ahku.’’

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 16:24

Nyiring ohkot tuh ihkam jaha nyawot ino-inon ngosan arak-Ku. Nyawot iou, mahka ihkam ahkan monorima, tului kojorih'kam jari soporuna.’’

YOHANES 9:31

Ihto ta'an ijo Pohotala eam ngonih ulun bodusa, molekan ulun ijo mohormat Pohotala, tutang nguairih kohondak-Oh.

EPESUS 3:12

Honong porocaya umba Kristus tutang kotului hihco umba Io, ihto tononga komorodehka ahkan ngondoni Pohotala honong tuwi koporocayaan.

IBRANI 10:35

Bain kotului orih, ara putus-asa, kotului amat ihkam bokehtep porocaya, mahka anai upah ijo hajo ahkan orih!

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

YAKOBUS 4:3

Tutang amatka ihkam jari nyawotoh, ihkam ka eam ngondahpotoh, tului titun ponyawot'kam sala; inon ijo ihkam nyawotoh bayarih ahkan kosanang arop'kam bongon.

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.