1 YOHANES 5:13 - BOWOT BOHUA

¹³ Ahku nyurat ahkan ihkam ijo porocaya ahkan Anak Pohotala, mangat ihkam ta'an ijo ihkam jari anaingina pombolum sojahti tutang kototahiu.

1 YOHANES 5:13 ပူးပေါင်းရင်းမြစ်များ

YOHANES 1:12

Olukolouorih anai ka'a ulun ijo norima Io tutang porocaya umba-Oh; iro tononga-Oh hak monjadi Anak Pohotala,

YOHANES 2:23

Pondehan Yesus anai ang Yerusalem ang ohkot Pesta Paska, aro ulun porocaya ahkai-Oh, tului tandahelan-tandahelan ijo konuai-Oh.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 21:24

Murid orihrih ijo nonga kosaksian tohou ang'conyolung-ang'conyolung tuh. Iorih ka'a ijo jari monyuratoh. Tutang ihto ta'an ijo inon ijo tonuhtuioh rih morong.

YOHANES 3:18

Ulun ijo porocaya umba-Oh eam tomohukum, tahpi ulun ijo eam porocaya ius tomohukum bain Pohotala, tului io eam porocaya umba Anak Pohotala ijo tukan.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

KESAH RASUL-RASUL 3:16

Konduang-konduang jari nohto tutang monyaksioh, inon ijo nyolung umba ulun bolomu tuh. Io jari nyolung ba'as tutang pios huli kotului io porocaya umba Yesus tutang kowasa-Oh. Tului porocaya ahkan Yesus mahka ulun tuh jari monjadi pios huli, aang toharep Konduang-konduang paring.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.

1 YOHANES 1:4

Ihkai nyurat tuh, mangat ahtoi ihto tu'u-tu'u jorih.

1 YOHANES 2:1

Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

1 YOHANES 2:21

Jadi, ahku nyurat tuh ahkan'kam, eamoh tului ihkam eam kosono ajaran ijo morong, tahpi malah bain ihkam jari ngosonooh, tutang ihkam ka'a kota'an ijo eam anai alik a'ang ajaran ijo morong rih.

1 YOHANES 2:25

Tutang Jituh ijo tonobowot Kristus bongoi ahkan ihto; bolum sojahti tutang kototahiu.

1 YOHANES 2:26

Ahku nyurat tuh ahkan'kam, tohou ulun-ulun ijo rahat bousaha monihpu ihkam.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:9

Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.

1 YOHANES 5:10

Kotului orih, ulun ijo porocaya ahkan Anak Pohotala jari norima kosaksian rih ang luwang ahtoioh; tahpi ulun ijo eam anai koporocaya umba Pohotala, jari ngohu soahkan-ahkan Pohotala pobalik. Tului io eam porocaya, inon ijo tonuhtui Pohotala tohou Anak-Oh.

1 YOHANES 5:11

Tuhrih kosaksian rih: Pohotala jari nonga ahkan ihto pombolum sojahti tutang kototahiu, tutang Anak-Oh anairih tohasak pombolum rih.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.