1 YOHANES 5:10 - BOWOT BOHUA

¹⁰ Kotului orih, ulun ijo porocaya ahkan Anak Pohotala jari norima kosaksian rih ang luwang ahtoioh; tahpi ulun ijo eam anai koporocaya umba Pohotala, jari ngohu soahkan-ahkan Pohotala pobalik. Tului io eam porocaya, inon ijo tonuhtui Pohotala tohou Anak-Oh.

1 YOHANES 5:10 ပူးပေါင်းရင်းမြစ်များ

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:18

Ulun ijo porocaya umba-Oh eam tomohukum, tahpi ulun ijo eam porocaya ius tomohukum bain Pohotala, tului io eam porocaya umba Anak Pohotala ijo tukan.

YOHANES 3:33

Ulun ijo porocaya aang kosaksian-Oh rih, mongahku ijo Pohotala morong.

YOHANES 5:38

Auh-auh-Oh eam lehket luwang ahtoi'kam, tului ihkam eam porocaya umba Ahku ijo tonyuhu-Oh.

KESAH RASUL-RASUL 8:37

Pilipus nuhtui, ‘‘Amat Tuan porocaya umba kotuwi ahtoi, Tuan tou ponopondus.’’ ‘‘Ahku porocaya Yesus Kristus orih Anak Pohotala’’ hion pogawai isung tahkan Etiopia rih.]

RUMA 8:16

Roh Pohotala sama-sama umba Roh ihto, mongorinah, ijo ihto tuh anairih anak-anak Pohotala.

GALATIA 4:1

Tahpi porulu ahku mongingatoh: Kotahin ihcobehti ahli warih magun pinda umur, anai ulun ijo nohtoani io, tutang hogoguan inon kogunan-kogunan aiu nyiring io johcok umur ijo tonahtap bain amaioh.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

KOLOSE 3:3

Kotului ihkam ius mahtoi, tutang pombolum ihkam bosuhuk hihco Kristus ang a'ang Pohotala.

IBRANI 3:12

Konduang-konduang bua-buah, ara nyiring anai ang louk'kam ihcobehti ijo ahtoioh kolorih koja'at, tutang eam porocaya, nyiring io ngulos tutang ngomahcu Pohotala ijo bolum!

2 PETRUS 1:19

Orih kotuluioh ihkai labih yahkin hino umba pohtoh Pohotala ijo tonujum bain nabi-nabi. Kopiosoh ihkam nohtoani pohtoh rih, kotului pohtoh rih kolou sumbu ijo nyingah ang unuk ijo pindong, nyiring kaloang ngorolondang tutang kotarang potion tahkan timur nyingah ang luwang ahtoi'mu.

1 YOHANES 1:10

Tahpi amat ihto nuhtui ijo ihto eam bodusa, ihto ngohu soahkan-ahkan Pohotala bobalik tutang ihto eam anai auh Pohotala ang ahtoi ihto.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.

PONGORINAH 12:17

Naga rih monjadi bosingi samasino umba ulunbawi rih, nyiring io tulak nyarang lihit ijo bohkon tahkan ulunbawi rih, yorih paring ulun ijo mone'et poretah-poretah Pohotala, tutang ijo nonga kosaksian tohou Yesus tutang Kowasa-Oh.

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’

PONGORINAH 2:28

Iro ahkan norima potiontimur tahkanumba Ahku.