1 YOHANES 4:9 - BOWOT BOHUA

⁹ Pohotala ngorinah ijo Io mongasih ihto, hawui nyuhu Anak-Oh ijo tukan nokuh luwang kolunon, mangat ihto ngondahpot pombolum nguha Anak-Oh rih.

1 YOHANES 4:9 ပူးပေါင်းရင်းမြစ်များ

MARKUS 12:6

Iai rih hino ijo tou tongirim huntuh bain tepun komulan rih? Tihkas mohcon ihcobehti, yorih anak aiu bongoi ijo unuk kosayangoh. Jadi, kojoriaioh io ngirim anakoh orih ahkan ponggawi-ponggawi. ‘Musti anak'ku tuh ahkan tomohoromatoh,’ tiruk tepun pombulan.

LUKAS 4:18

‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

YOHANES 10:10

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:18

Ulun ijo porocaya umba-Oh eam tomohukum, tahpi ulun ijo eam porocaya ius tomohukum bain Pohotala, tului io eam porocaya umba Anak Pohotala ijo tukan.

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

YOHANES 6:29

Yesus mutah, ‘‘Tuhrih ijo ngonjolik Pohotala tahkan ihkam: porocayarih umba Io ijo tonyuhu Pohotala.’’

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

YOHANES 6:57

Amai ijo bolum rih nyuhu Ahku, tutang Ahku ka bolum tahkan Amai. Kolouorih ka'a ulun ijo kuman usi-Ku ahkan bolum tahkan Ahku.

YOHANES 8:29

Tutang Io ijo nyuhu Ahku anai hihco Ahku. Io eam pu'u mohonouoh Ahku bongok-Ku, tului Ahku hototurus nguan inon ijo monyanangoh ahtoi-Oh.’’

YOHANES 8:42

Turus Yesus nuhtui ahkan iro, ‘‘Jahkaioh Pohotala rih Amai'kam, ihkam ahkan mongasih Ahku, tului Ahku lombut tahkan Pohotala. Ahku eam lombut hapan konohuang-Ku bongok, tahpi Io jari nyuhu Ahku.

YOHANES 9:3

Yesus mutah, ‘‘Io bobulen eam kotului dusaioh bongoi ata'ai inai amaioh bodusa, tahpi mangat ulun tou nohto kowasan Pohotala bogawi aang aropoh.

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

IBRANI 1:5

Eam pu'u Pohotala nuhtui koloutuh, ahkan ihcobehti molehkat ka, ‘‘Ihkorih Anak-Ku; aang ondou tuh Ahku monjadi Amai'mu.’’ Eam pu'u hino Pohotala nuhtui koloutuh, tohou molehkat ijo amohka, ka'a, ‘‘Ahku ahkan monjadi Amaioh tutang Io ahkan monjadi Anak-Ku.’’

1 YOHANES 3:16

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

1 YOHANES 4:16

Ihto bongon ta'an, tutang porocaya, ahkan kasih Pohotala ahkan ihto. Pohotala rih pongasih. Ulun ijo pombolumoh konowasa bain kasih, ulun rih hihco umba Pohotala, tutang Pohotala hihco umba io.

1 YOHANES 5:11

Tuhrih kosaksian rih: Pohotala jari nonga ahkan ihto pombolum sojahti tutang kototahiu, tutang Anak-Oh anairih tohasak pombolum rih.

1 YOHANES 5:13

Ahku nyurat ahkan ihkam ijo porocaya ahkan Anak Pohotala, mangat ihkam ta'an ijo ihkam jari anaingina pombolum sojahti tutang kototahiu.