1 YOHANES 4:4 - BOWOT BOHUA

⁴ Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 4:4 ပူးပေါင်းရင်းမြစ်များ

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 16:11

tutang ijo Pohotala jari nopara mohukum, kotului okon kolunon tuh jari tonohukum.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

RUMA 8:31

Inon ijo duon tonuhtui huntuh tohou paringoh orih? Amat Pohotala momihak aang ihto iairih duon molawan ihto?

RUMA 8:37

Eam! Malah ang luwang paringoh rih, ihto dahpot komanang ijo sompurna tu'u bain Io ijo ngasi ihto!

1 KORINTUS 2:12

Tutang ihto eam tononga roh kolunon tuh, molekan Roh ijo tahkan Pohotala, mangat ihto ngota'an, paringoh pononganasi Pohotala ahkan ihto.

1 KORINTUS 6:13

Anai ka'a ijo nuhtui, ijo ukun anairih ahkan kono'i tutang kono'i tonahtap ahkan ukun. Tahpi koduo-duooh ahkan todian kobain Pohotala. Behtin ulun eam tou tohapa ahkan nguan ijo kihal, tahpi tihkas hapa mohalu Tuhan. Tutang Tuhan ahkan mohaga behti rih.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

EPESUS 6:10

Laiuoh ihkam pios monjadi ba'as, umba koba'as ijo ihkam dahpot tahkan kowasa Tuhan, tului ihkam hihco umba Io.

1 YOHANES 2:1

Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

1 YOHANES 2:13

Ahku nyurat ahkan'kam, Amai-amai, tului ihkam kosono Io ijo jari anai tahkan pahtuk nopara. Ahku nyurat ahkan'kam, Ulun-ulun biou, bain ihkam jari ngalahrih ijo Ja'at.

1 YOHANES 3:20

Ihto ta'an, ijo amat ihto tonosalan bain ahtoi ihto, pongotaan Pohotala labih hajo, tahkan pongotaan ahtoi ihto, tutang ijo Io ta'an koparing-paringoh.

1 YOHANES 3:24

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.

1 YOHANES 4:13

Bain kotului Pohotala jari nonga ahkan ihto Roh-Oh, mahka ihto ta'an ijo ihto jari bolum hihco umba Pohotala, tutang Pohotala bolum hihco umba ihto.

1 YOHANES 4:16

Ihto bongon ta'an, tutang porocaya, ahkan kasih Pohotala ahkan ihto. Pohotala rih pongasih. Ulun ijo pombolumoh konowasa bain kasih, ulun rih hihco umba Pohotala, tutang Pohotala hihco umba io.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

1 YOHANES 5:4

tului nyinong anak Pohotala sanggup pokalah kolunon ijo ja'at tuh. Tutang ihto mongalah kolunon umba koporocayan ihto.

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.