1 YOHANES 4:20 - BOWOT BOHUA

²⁰ Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.

1 YOHANES 4:20 ပူးပေါင်းရင်းမြစ်များ

YOHANES 13:35

Amat ihkam saling mongasih, paring ulun ahkan ta'an ijo ihkam murid-murid-Ku.’’

1 PETRUS 1:8

Ihkam ngasih Io, oluka soun ihkam eam nohto Io. Tutang ihkam porocaya umba Io, oluka houn ihkam eam nohto-Oh. Orih kotuluioh ihkam jorih, tutang nginyam kojorih ijo hajo tutang eam duon tonyorihta.

1 YOHANES 1:6

Amat ihto nuhtui ijo ihto bolum hihco umba Io, padahal ihto bolum ang kopindong, mahka ihto bobalik, pios umba auh-auh kanika umba gawi.

1 YOHANES 1:8

Amat ihto nuhtui ijo ihto eam bodusa, ihto nihpu arop ihto bongon; tutang Pohotala eam mohcon ang luwang ahtoi ihto.

1 YOHANES 2:11

Tahpi ulun ijo bosingi konduangoh mohcon luwang kopindong. Io nyalan luwang kopindong tutang eam ta'an nokuh umoh io tulak, kotului kopindong rih nguan io eam dahpot nohto.

1 YOHANES 2:4

Ulun ijo homouh, ‘‘Ahku kosono Pohotala,’’ tahpi eam te'et umba poretah-poretah-Oh ulun rih bobalik, tutang Pohotala eam anai ang luwang ahtoioh.

1 YOHANES 2:9

Ulun ijo nuhtui ijo io anai ang luwang koloang, tahpi ulun rih magun bosingi konduangoh, ulun rih magun mohcon ang kopindong nyiring huntuh.

1 YOHANES 3:17

Amat ihcobehti ijo pombolumoh sukup nohto konduangoh anai kotahpas, tahpi eam kani dohop konduangoh rih, koloukuwoh ulun rih dahpot homauh ijo io sita Pohotala?

1 YOHANES 4:12

Eam anai ihcobehti ka ijo pu'u nohto Pohotala, tahpi amat ihto saling hosita, tanda Pohotala hihco umba ihto, tutang asi-Oh monjadi soporuna luwang arop ihto.