1 YOHANES 4:2 - BOWOT BOHUA

² Koloutuhrih caraoh ihkam ta'an inonrih rih Roh Pohotala, ata'ai eam: Ulun ijo mongahku Yesus Kristus lombut ahkan kolunon kolou ulun, ulun rih ijo anaingina Roh ijo lombut tahkan Pohotala.

1 YOHANES 4:2 ပူးပေါင်းရင်းမြစ်များ

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

1 KORINTUS 12:3

Ihkam harus kota'an, ijo ulun, ijo toniting Roh Pohotala eam tou nuhtui, ‘‘Tonulutrih Yesus!’’ Kodorih ka'a eam ihcobehti ka duon nuhtui, ‘‘Yesus rih Tuhan!’’ Amat ulun rih eam toniting Roh Pohotala.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 YOHANES 1:2

Kotihka pombolum rih tongorinahoh, ihkai nohtooh. Orihrih kobaiuoh ihkai nonga kosaksian tohou Io. Ihkai mborihta ahkan ihkam tohou pombolum ijo sojati tutang kototahiu, ijo anai hihco Amai tutang ijo jari ngorinah ahkan ihkai.

1 YOHANES 2:23

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.

1 YOHANES 4:15

Ia-iai mongahku ijo Yesus rih Anak Pohotala, Pohotala bolum hihco umba ulun rih, tutang ulun rih ka'a bolum hihco umba Pohotala.

1 YOHANES 4:3

Tahpi ulun ijo eam ngahkuoh, hal tuh tohou Yesus, io eam anaingina Roh Pohotala. Ulun rih anaingina roh tahkan musuh Kristus. Konduang jari ngonih ijo roh rih ahkan lombut, tutang huntuh io jari anai ang luwang kolunon tuh.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.