1 YOHANES 4:1 - BOWOT BOHUA

¹ Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

1 YOHANES 4:1 ပူးပေါင်းရင်းမြစ်များ

MARKUS 13:21

Ang ohkot orih rih, amat ihcobehti nuhtui umba ihkam, ‘Nohto Lahca Ponyolamat rih anai ang ohtoi!’ ata'ai ‘Nohto, Io anai ang anan!’ – ara ihko porocaya umba auh ulun rih.

LUKAS 12:57

‘‘Ombai ihkam eam mutusoh bongom inon ijo morong?

LUKAS 21:8

Yesus nuhtui, ‘‘Rondo-rondongrih, ara nyiring ihkam tongobula. Aro ulun ahkan lombut tutang mahapa arak-Ku, tutang nuhtui, ‘Ahku tuh Io!’ tutang ‘Johcok ohkotoh.’ Tahpi a'ai ihkam ngohasu iro.

KESAH RASUL-RASUL 17:11

Ulun-ulun Berea labih bokuap ahtoi'ndo, tahkan ulun-ulun ang Tesalonika. Honong sanang ahtoi iro ngonih borihta tohou Yesus tutang nyinong ondou iro moriksa Surat Borasih ahkan ngota'an inon ajar Paulus rih morong.

KESAH RASUL-RASUL 20:29

Soponulakoh ahku, musti ahkan lombut kokaro harimaung ijo bosiak nokuh tohun ihkam. Tutang ulun-ulun ijo ihkam monjaga rih ahkan ukun harimaung-harimaung rih.

1 KORINTUS 12:10

Ahkan ihcobehti tononga kowasa ahkan napa kahtahelan, tutang ahkan ihco bohkon tononga pononga ahkan mborihta rancana-rancana Pohotala. Ahkan ijo bohkon hino, Roh rih nonga kosanggup ahkan mombeda-beda, amoh pononga ijo tahkan Roh Pohotala, tutang umoh ijo bohkon. Anai ijo tononga kosanggup ahkan bopander umba mahca-mahcam basa ijo ajaib, tutang anai hino tononga kosanggup ahkan monarang riman auh-auh rih.

1 KORINTUS 14:29

Duo ata'ai tolu behti ijo anaingina borihta tahkan Pohotala, harus nyapai mborihta rih pondehan ijo bohkon, nimbang inon ijo tonuhtui rih.

1 TESALONIKA 5:20

Ara ngohu enteng auh kabar-kabar ijo tononga bain Roh Pohotala.

1 TESALONIKA 5:21

Kokaro ang'co harus tonguji, tutang ijo pios harus tonumbun.

2 TESALONIKA 2:2

A'ai jele-jeleng bingung, ata'ai golisah kotului anai borihta ijo jari johcok ondou-Oh Tuhan Yesus lombut hoduli. Punatou borihta rih pahtukoh tahkan ihco tujum; ata'ai tahkan ihco ajaran; ata'ai toujadi anai ijo nuhtui ijo ihkai pu'u nyurat ijo kodorih ang luwang ihco surat 'kai.

1 TIMOTEUS 4:1

Roh Pohotala honong tegas nuhtui, ijo ang ohkot-ohkot ijo ahkan lombut, 'cokobagi ulun ahkan murtad, ngobele Kristus. Iro ahkan ponumbun umba roh-roh ijo monyosat tutang nutut ajaran-ajaran roh ja'at,

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

2 PETRUS 2:1

Ang ohkot ijo tokalou, ang louk ukup Pohotala, jari lombut nabi-nabi polasu. Kolourih ka'a ang marak ihkam, ahkan lombut guru-guru polasu. Iro ahkan moposolong ajaran-ajaran ijo eam tu'u, ijo morusak ulun. Tutang iro ahkan ngorana Pongowasa ijo jari moliwus iro. Honong kolourih, iro mopolombut korusak ngosan aropoh bongoi, ijo ahkan nopahas iro hawui jion.

1 YOHANES 2:18

Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

1 YOHANES 2:7

Konduang-Konduang ijo ahku nyitaoh! Ijo ahku nyurat tuh eamrih ihco poretah ijo bohua. Tuhrih poretah tahi ijo jari tonyiar ahkan'kam tahkan ihkam pahtuk porocaya ahkan Kristus, yorih borihta tahkan Pohotala, ijo jari ihkam ngonih sounumbaoh.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

3 YOHANES 1:11

Konduang ijo tonokasih ara nyutu inon ijo ja'at. Nyutu iou inon ijo hinut. Ulun ijo nguan kopios anairih ain Pohotala. Tutang ulun ijo nguan koja'at jaha ngosono Pohotala.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.