1 YOHANES 3:3 - BOWOT BOHUA

³ Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.

1 YOHANES 3:3 ပူးပေါင်းရင်းမြစ်များ

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

LUKAS 6:36

Hondakoh ihkam monjadi pongasih kolou Amai'kam ijo tuwi umba pongasih!’’

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

RUMA 15:12

Tutang tuh hino ijo tonuhtui bain Yesaya, ‘‘Tahkan lihit Isai ahkan lombut ihcobehti ijo ahkan moretah karon uhtus; umba Io karon uhtus rih ahkan porocaya.’’

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

TITUS 3:7

Mangat bain pononganasi Yesus, ihto hokopios hoduli umba Pohotala tutang ihto dahpot pombolum ijo sojahti tutang kototahiu ijo ihto mohara-harap-Oh.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

IBRANI 6:18

Duo hal orih eam dahpot boubah, Pohotala eam harapan ngobalik tohou bowot tutang tulut-Oh. Tului orih, ihto ijo jari bokolindung aang Pohotala, tononga juhungan ba'as, ahkan nambit tehen aang koharap ijo tohampar ang husuk ihto.

IBRANI 7:26

Jadi, Yesus orihrih Imam Hajo ijo ihto poruluoh. Io Borasih; aang Io eam dahpot kosalan ata'ai dusa inonka. Io tongobohkon tahkan ulun-ulun ijo bodusa, tutang tongahtangrih nyiring nokuh unuk ijo labih diang tahkan kokaro langit.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

1 PETRUS 1:15

Sombalikoh, hondakrih ihkam borasih a'ang kokaro angihco ijo ihkam nguai, sama kolou Pohotala ijo na'ah ihkam rih borasih.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

1 YOHANES 2:6

Ia-iai nuhtui ijo Io bolum hihco umba Pohotala, Io harus bolum nutut lohkun Kristus.

1 YOHANES 4:17

Kasih monjadi soporuna luwang arop ihto, mangat ihto tepun kohanyi ang Ondou Ponosara. Ihto ahkan tepun kohanyi, tului pombolum ihto ang kolunon tuh, sama kolou pombolum Kristus.