1 YOHANES 3:22 - BOWOT BOHUA

²² Tutang inon ijo ihto nyawot tahkanumba-Oh, ihto norimaoh, tului ihto te'et umba poretah-poretah-Oh, tutang nguan inon ijo ngojorih ahtoi-Oh.

1 YOHANES 3:22 ပူးပေါင်းရင်းမြစ်များ

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 21:22

Inon beweu ijo ihkam nyawot ang do'a'mu, ihkam ahkan norimaoh, asar ihkam porocaya.”

MARKUS 11:24

Bain orih, ingatrih tuh: Amatmira ihkam bodo'a tutang nyawot angihco, porocayarih ijo Pohotala jari nonga ahkan'mu, inon ijo ihkam nyawot, mahka ihkam ahkan monorimaoh.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 6:29

Yesus mutah, ‘‘Tuhrih ijo ngonjolik Pohotala tahkan ihkam: porocayarih umba Io ijo tonyuhu Pohotala.’’

YOHANES 8:29

Tutang Io ijo nyuhu Ahku anai hihco Ahku. Io eam pu'u mohonouoh Ahku bongok-Ku, tului Ahku hototurus nguan inon ijo monyanangoh ahtoi-Oh.’’

YOHANES 9:31

Ihto ta'an ijo Pohotala eam ngonih ulun bodusa, molekan ulun ijo mohormat Pohotala, tutang nguairih kohondak-Oh.

KESAH RASUL-RASUL 17:30

Wayah kobureng ihto rih jari nolingou bain Pohotala, tahpi huntuh Io nyuhu paring ulun ang hopus kolunon hubah tahkan dusa-dusan iro.

KESAH RASUL-RASUL 20:21

Pios umba ulun-ulun Yahudi oluka umba ulun-ulun uhtus bohkon, ahku toturus nonga pongingat mangat iro hubah tahkan dusa-dusan iro, tutang lombut nokuh Pohotala, hawui porocaya ahkan Tuhan Yesus.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 4:3

Tutang amatka ihkam jari nyawotoh, ihkam ka eam ngondahpotoh, tului titun ponyawot'kam sala; inon ijo ihkam nyawotoh bayarih ahkan kosanang arop'kam bongon.

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

1 YOHANES 2:3

Amat ihto te'et umba poretah-poretah Pohotala, orih tandaoh ijo ihto ngosono Pohotala.

1 YOHANES 5:14

Tutang ihto bohanyi noharep Pohotala, tului ihto yahkin Io monorima do'a ihto, amat ihto nyawot inon iou, ijo tohorong umba kohandak-Oh.