1 YOHANES 3:14 - BOWOT BOHUA

¹⁴ Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:14 ပူးပေါင်းရင်းမြစ်များ

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

LUKAS 15:24

Tului anak'ku tuh jari mahtoi, huntuh bolum huli; io ijo nihou, huntuh tosombang huli.’ Turus nopara iro bopesta.

LUKAS 15:32

Tahpi ihto harusbopesta tutang jori-jorih, tului ari'mu orih rih jari mahtoi bolum huli; io jari nihou, tahpi huntuh jari sombang huli.’ ’’

LUKAS 7:5

‘‘tului io ngasih uhtus ihto, tutang jari mangun lohpou sombayang ahkan ihkai.’’

YOHANES 13:35

Amat ihkam saling mongasih, paring ulun ahkan ta'an ijo ihkam murid-murid-Ku.’’

YOHANES 15:12

Tuhrih poretah-Ku: Ngasih ohrih ihco sama 'jobohkon, sama kolou Ahku jari ngasih ihkam.

YOHANES 15:17

Tuhrih poretah-Ku ahkan'kam: Hokasihrih sama arop'kam.’’

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 1:15

Tului rih, tahkan ahku ngonih ijo ihkam porocaya umba Tuhan Yesus, tutang ihkam ngasih paring ukup Pohotala,

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

1 TESALONIKA 4:9

Eam gunai hino ihkai nyurat ahkan'kam, tohou koloukuwoh ihkam harus ngasi konduang-konduang ijo 'cokoporocaya. Ihkam bongon jari tongajar bain Pohotala ahkan ngasih ihco umba ijobohkon.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 3:8

Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 2:3

Amat ihto te'et umba poretah-poretah Pohotala, orih tandaoh ijo ihto ngosono Pohotala.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:12

Eam anai ihcobehti ka ijo pu'u nohto Pohotala, tahpi amat ihto saling hosita, tanda Pohotala hihco umba ihto, tutang asi-Oh monjadi soporuna luwang arop ihto.

1 YOHANES 5:13

Ahku nyurat ahkan ihkam ijo porocaya ahkan Anak Pohotala, mangat ihkam ta'an ijo ihkam jari anaingina pombolum sojahti tutang kototahiu.

1 YOHANES 5:2

Umba jalan tuhrih ihto ta'an, ijo ihto mongasi anak-anak Pohotala: Ihto mongasi Pohotala tutang te'et umba poretah-poretah-Oh.