1 YOHANES 3:12 - BOWOT BOHUA

¹² Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

1 YOHANES 3:12 ပူးပေါင်းရင်းမြစ်များ

MATEUS 13:19

Bonyi ijo tonuhkan ang jalan, nindung ulun-ulun ijo ngonih Kabar Hinut, tohou koloukuwoh Pohotala moretah, tahpi eam solembang. Ang ja'at rih lombut tutang mosuwit inon ijo ius tomonyi ang ahtoi'ndo.

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

MATEUS 23:35

Tului orih, ihkam ahkan tomohukum tului pomunu ijo konuan'kam toharep paring ulun ijo eam bosala – nopara tahkan pomunuoh Abel ijo eam bosala, nyiring pomunuoh Sakharia anak Berekia, ijo ihkam munuoh ang holat Lohpou Tuhan, umba mesbeh.

MATEUS 27:23

“Tahpi inon koja'at-Oh?” Pilatus ngisok. Turus iro ngoriak muhi-muhing hino, “Mahpak Io!”

MATEUS 5:37

Nuhtui iou, amat ‘Yo’ ata'ai ‘Eam’ – molowi umba orih, polombutoh tahkan sehtan.”

LUKAS 11:51

pahtukoh tahkan munu umba Abel johcok aang tomunuoh Sakharia, ijo nyolung ang holat mesbeh tutang Lohpou Tuhan. Porocaya ih: Ulun-ulun jaman tuh, musti ahkan tomohukum tului paring orih.

YOHANES 10:32

Tahpi Yesus nuhtui umba iro, ‘‘Ihkam ius nohto Ahku nguan aro gawi hinut, ijo sonyuhu Amai ahkak-Ku. Tahkan paring gawi orih, umoh ijo kobainoh ihkam kani medak Ahku?’’

YOHANES 8:40

Ahku nuhtui ahkan'kam kotu'u ijo Ahku ngonihoh tahkan Pohotala, tahpi ihkam kani munu Ahku. Abraham eam nguan kolou orih!

YOHANES 8:41

Ihkam nguan inon ijo tonguan bain amai'kam bongom.’’ Hion'ndo, ‘‘Ihkai eam anak-anak lacun. Amai ihkai tihkas ihco, iorih Pohotala bongoi.’’

KESAH RASUL-RASUL 7:52

Kuwoh anai ihcobehti nabi ijo eam konoporos bain tahtu ajuh'kam? Iro munu soruhan-soruhan tahkan Pohotala ijo jaman houn lomoi jari monyiar ijo Jihpon Pohotala ijo morong rih ahkan lombut. Tutang huntuh ihkam ngarana tutang munu Jihpon Pohotala rih.

1 TESALONIKA 2:14

Konduang-konduang! Hal ijo ihkam nyuruoh, jari tonyuru ka'a bain ukup-ukup Pohotala ang Yudea ijo jadi ain Kristus Yesus. Ihkam monyuru karot tahkan hila uhtus'kam bongom, sama kolou ijo tonyuru bain ukup-ukup Pohotala ang Yudea rih tahkan sila ulun-ulun Yahudi.

IBRANI 11:4

Kotului porocaya Abel monyorah ahkan Pohotala porahpah ijo paling hinut tahkanumba porahpah Kain. Tului porocayaoh rih, Abel tonorima bain Pohotala, kolou ulun ijo hinut, kotului korinah rih ijo Pohotala norima ponongaoh. Abel ius palus, tahpi tului porocaya rih mahka io magun bopander nyiring huntuh.

IBRANI 12:24

Ihkam lombut noharep Yesus, Poholat ahkan bowot ijo bohua rih; ihkam noharep daha ponalit, ijo monjamin hal-hal ijo labih hinut, tahkanumba ijo tojamin bain dahan Abel.

1 PETRUS 4:4

Huntuh ulun ijo eam kosono Tuhan, helan, ijo ihkam eam umba bolum kolou iro, nginyam dusa eam aro tihkas. Orihrih kotuluioh iro mohina ihkam.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

YUDAS 1:11

Colahka iro! Iro jari nitoi jalan, ijo tonyuru bain Kain. Mangat dahpot duit, iro nombohos arop luwang dahtah kolahcat, sama kolou Bileam. Tutang iro ka tolonyuh, tului molawan kolou Korah.

PONGORINAH 17:6

Turus ahku nohto, ijo ulunbawi rih busou umba daha ukup ain Pohotala, tutang dahan ulun-ulun ijo tomunu tului bokehtep umba Yesus. Kotihka ahku nohto ulunbawi rih, ahku monjadi tohelan-helan.