1 YOHANES 3:10 - BOWOT BOHUA

¹⁰ Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

1 YOHANES 3:10 ပူးပေါင်းရင်းမြစ်များ

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

YOHANES 1:12

Olukolouorih anai ka'a ulun ijo norima Io tutang porocaya umba-Oh; iro tononga-Oh hak monjadi Anak Pohotala,

YOHANES 11:52

Tutang eam bagi uhtus Yahudi beweu, tahpi ka'a ahkan muhpungoh tutang mopohihco anak-anak Pohotala ijo bilang-bahas.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

YOHANES 8:47

Ulun ijo asar tahkan Pohotala, ngonih auh Pohotala. Tahpi ihkam eam tahkan Pohotala, kotului orih ihkam eam kani ngonih.’’

KESAH RASUL-RASUL 13:10

turus nuhtui, ‘‘O pobula tamam, anak jahanam! Ihko musuh kokaron ijo morong. Ombai ihko eam kani tondo morusak rancana Pohotala ahkan nyolamat ulun?

RUMA 13:8

Ara tohutang inon ka, umba iai ka'a, kocoali tohutang kasih umba sama arop'kam. Tului ulun ijo mongasi sama aropoh jari molalus hukum Museh.

EPESUS 5:1

Ihkam anairih anak-anak Pohotala ijo tonokasih-Oh, kobain orih ihkam harus ngurahjalan monutut sutu Pohotala.

KOLOSE 3:14

Tutang ijo boguna, iorih: Ihkam harus saling mongasih. Kotului kasih orihrih ijo pohihco Konduang-konduang paringoh nyiring monjadi soporuna.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 YOHANES 2:29

Ihkam jari ta'an ijo Kristus bolum numbun konohuang Pohotala. Tului orih ihkam harus ta'an hino, ijo nyinong ulun ijo bolum numbun kohondak Pohotala anai rih anak Pohotala.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

1 YOHANES 4:21

Kotului rih, tuhrih poretah ijo tononga Kristus ahkan ihto: Ia-iai ngasih Pohotala harus ngasih konduangoh ka'a.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

1 YOHANES 4:8

Ulun ijo eam mongasi, io eam ngosono Pohotala; kotului Pohotala anairih pongasih.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

1 YOHANES 5:2

Umba jalan tuhrih ihto ta'an, ijo ihto mongasi anak-anak Pohotala: Ihto mongasi Pohotala tutang te'et umba poretah-poretah-Oh.

3 YOHANES 1:11

Konduang ijo tonokasih ara nyutu inon ijo ja'at. Nyutu iou inon ijo hinut. Ulun ijo nguan kopios anairih ain Pohotala. Tutang ulun ijo nguan koja'at jaha ngosono Pohotala.