1 YOHANES 2:7 - BOWOT BOHUA

⁷ Konduang-Konduang ijo ahku nyitaoh! Ijo ahku nyurat tuh eamrih ihco poretah ijo bohua. Tuhrih poretah tahi ijo jari tonyiar ahkan'kam tahkan ihkam pahtuk porocaya ahkan Kristus, yorih borihta tahkan Pohotala, ijo jari ihkam ngonih sounumbaoh.

1 YOHANES 2:7 ပူးပေါင်းရင်းမြစ်များ

MATEUS 5:43

“Ihkam ngotaan ijo anai ka'a ajar koloutuh: kasih umba injah-injah'kam tutang nyingi musuh-musuh'kam.

YOHANES 13:34

Poretah bohua Ahku nongaoh ahkan'kam: Hokasih ihco umba 'jobohkon sama kolou Ahku ngasih ihkam, kodorih ka'a ihkam harus saling hokasih.

KESAH RASUL-RASUL 17:19

Turus iro ngomin Paulus nokuh puhpung ang Puruk Areopagus. Ang anan iro nuhtui umba io, ‘‘Ihkai jolik kota'an ajar bohua ijo mborihta bain ihkam rih.

IBRANI 6:9

Tahpi Konduang-konduang ijo ahku ngasihoh, olu sinoka ihkai nuhtui kolourih, tahpi ihkai yakin tohou ihkam. Ihkai yakin ijo ihkam ius monorima hal-hal labih pios, iorih borehkat-borehkat ijo kolou bagian tahkan kosolamat'kam.

1 YOHANES 2:24

Bain orih, borihta ijo jari ihkam ngonihoh, toparan ihkam pahtu-pahtukoh porocaya, harus ihkam mohagaoh pio-pios ang luwang ahtoi'kam. Amat borihta tuh ihkam mohaga pio-pios, ihkam ahkan toturus bolum hihco umba Anak tutang umba Amai.

1 YOHANES 3:11

Tahkan pahtuk jari tonyiar borihta tuh ahkan'kam: Ihto harus masi ihco umba ijobohkon.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

1 YOHANES 3:21

Jadi, Konduang-konduang ijo tonyita, amat ahtoi ihto eam nosalan ihto, ihto dahpot noharep Pohotala honong kohanyi.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

1 YOHANES 4:11

Konduang-konduang ijo tonyita, amat Pohotala kolourih mongasih ihto, ihto ka harus ngasih ihco umba ijobohkon.

1 YOHANES 4:21

Kotului rih, tuhrih poretah ijo tononga Kristus ahkan ihto: Ia-iai ngasih Pohotala harus ngasih konduangoh ka'a.

1 YOHANES 4:7

Konduang-konduang ijo tonyita! Olairih ihto hokasih ihco umba ijobohkon, bain kasih asaroh tahkan Pohotala. Ulun ijo mongasih anairih Anak Pohotala, tutang io ngosono Pohotala.