1 YOHANES 2:3 - BOWOT BOHUA

³ Amat ihto te'et umba poretah-poretah Pohotala, orih tandaoh ijo ihto ngosono Pohotala.

1 YOHANES 2:3 ပူးပေါင်းရင်းမြစ်များ

LUKAS 6:46

‘‘Ombai ihkam na'ah Ahku, ‘Tuhan, Tuhan,’ tahpi eam molalus inon ijo Ahku nuhtui ahkan'kam?

YOHANES 14:15

‘‘Amat ihkam ngasihoh Ahku, ihkam ahkan molalusoh poretah-poretah-Ku.

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 15:14

Ihkam tuh uras sobat-sobat-Ku, tului ihkam nguanoh inon ijo Ahku moretahoh ahkan'kam.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

1 YOHANES 2:13

Ahku nyurat ahkan'kam, Amai-amai, tului ihkam kosono Io ijo jari anai tahkan pahtuk nopara. Ahku nyurat ahkan'kam, Ulun-ulun biou, bain ihkam jari ngalahrih ijo Ja'at.

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:19

Kolouorih caraoh ihto ta'an ijo ihto angbarih anak-anak Pohotala ijo morong, tutang ahtoi ihto dahpot teneng ang toharep Pohotala.

1 YOHANES 3:6

Paring ulun, ijo bolum hihco umba Kristus, eam hototurus nguan dusa. Ulun ijo hototurus nguan dusa, eam pu'u nohto Kristus ata'ai ngosono-Oh.

1 YOHANES 4:13

Bain kotului Pohotala jari nonga ahkan ihto Roh-Oh, mahka ihto ta'an ijo ihto jari bolum hihco umba Pohotala, tutang Pohotala bolum hihco umba ihto.

1 YOHANES 4:7

Konduang-konduang ijo tonyita! Olairih ihto hokasih ihco umba ijobohkon, bain kasih asaroh tahkan Pohotala. Ulun ijo mongasih anairih Anak Pohotala, tutang io ngosono Pohotala.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

1 YOHANES 5:2

Umba jalan tuhrih ihto ta'an, ijo ihto mongasi anak-anak Pohotala: Ihto mongasi Pohotala tutang te'et umba poretah-poretah-Oh.

1 YOHANES 5:3

Tului mongasih Pohotala rimai te'et ahkan poretah-poretah-Oh. Tutang poretah-poretah-Oh eamrih bahat ahkan ihto,

PONGORINAH 12:17

Naga rih monjadi bosingi samasino umba ulunbawi rih, nyiring io tulak nyarang lihit ijo bohkon tahkan ulunbawi rih, yorih paring ulun ijo mone'et poretah-poretah Pohotala, tutang ijo nonga kosaksian tohou Yesus tutang Kowasa-Oh.

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.

PONGORINAH 22:14

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.