1 YOHANES 2:19 - BOWOT BOHUA

¹⁹ Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

1 YOHANES 2:19 ပူးပေါင်းရင်းမြစ်များ

KESAH RASUL-RASUL 20:30

Malah tahkan louk Konduang-konduang bongon ka, ahkan lombut ulun-ulun ijo ahkan monyiar borihta ijo eam morong. Iro nguan kodorih ahkan ulun-ulun ijo jari porocaya umba Tuhan Yesus Kristus monjadi lacat tutang nutut iro.

1 KORINTUS 11:19

Puna jari kopahtutoh lombut kopisah ang louk ihkam, mangat gihtan noin ia-iai ulun Kristen ijo sojahti.

YUDAS 1:19

Iro tuhrih ulun-ulun, ijo polombut kopusit. Iro eam konowasa bain Roh Pohotala, molekan bain kojolik-kojolik hadat dasar kolunon tuh.

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

KESAH RASUL-RASUL 15:24

Ihkai ngonih anai pira-pira ulun tahkan louk ihkai, ijo jari tulak ahkan'kam tutang nderoh hawui mbingung ihkam, umba ajaran-ajaran iro. Padahal ihkai eam aro nyuhu iro nguan orih rih.

MARKUS 13:22

Tului ponyolamat-ponyolamat bobalik, tutang nabi-nabi bobalik ahkan lombut. Iro ahkan nguan gawi-gawi ijo luar biasa, tutang kahtahelan-kahtahelan, ahkan ngobalik amat duon, ukup Pohotala ka'a.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

IBRANI 10:39

Ihto tuh eam ukup ijo undur tutang lahcat. Tombalikoh, anairih ukup ijo porocaya umba Pohotala tutang ijo tonyolamatoh.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

RUMA 9:6

Ahku eam nohuang nuhtui, ijo bowot Pohotala jari eam hapan hino; tahpi, eam paring ulun Israel anairih ukup ijo konopili bain Pohotala.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,

2 TIMOTEUS 3:9

Tahpi iro eam ahkan ngondahpot ino-inon, tului kouong iro ahkan tongota'an bain paring ulun, kolou ijo tonyuru bain Yanes tutang Yambras ka'a.

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.