1 YOHANES 2:18 - BOWOT BOHUA

¹⁸ Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

1 YOHANES 2:18 ပူးပေါင်းရင်းမြစ်များ

MATEUS 24:11

Aro nabi-nabi pobula ahkan lombut, tutang ngobula aro ulun.

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

MATEUS 24:5

Bain aro ulun ahkan lombut honong hapan aran aik-Ku tutang nuhtui, ‘Ahku Lahca Ponyolamat!’ Iro ahkan monihpu aro ulun.

MARKUS 13:6

Aro ulun lombut hawui mohapan arak-Ku tutang nuhtui, ‘Ahku tuh Io!’ turus ngobalik aro ulun.

YOHANES 21:5

Yesus nuhtui umba iro, ‘‘Anak-anak-Ku, inon ihkam anai ohcin?’’ ‘‘Eam aro,’’ hion'ndo.

RUMA 13:11

Bohkontahkan paringoh rih, ihkam ngota'an, ijo huntuh anai ohkot ahkan'kam, ahkan monyun tahkan tiruh. Tului ohkot ahkan ihto tonyolamat ius labih doni huntuh, tahkanumba ohkot ihto punan nopara porocaya.

RUMA 13:12

Kopindong ius doni nokalou; tutang eam pira hino ahkan boloang. Jadi, pios ihto tondo nguan gawin-gawin kopindong rih. Ihto harus monyuhkup arop ihto umba pokahkas koloang.

IBRANI 1:2

Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

2 PETRUS 2:1

Ang ohkot ijo tokalou, ang louk ukup Pohotala, jari lombut nabi-nabi polasu. Kolourih ka'a ang marak ihkam, ahkan lombut guru-guru polasu. Iro ahkan moposolong ajaran-ajaran ijo eam tu'u, ijo morusak ulun. Tutang iro ahkan ngorana Pongowasa ijo jari moliwus iro. Honong kolourih, iro mopolombut korusak ngosan aropoh bongoi, ijo ahkan nopahas iro hawui jion.

2 PETRUS 3:3

Sula-sulakoh ihkam harus ngota'an, ijo aang ondou-ondou laiu, ahkan lombut ulun-ulun ijo pombolumoh konowasa bain kojolik bolai iro bongoi. Iro ahkan hololea ihkam

1 YOHANES 2:22

Ijo bobalik anairih ulun ijo nuhtui, ijo Yesus bohkonoh Lahca Ponyolamat ijo tonobowot bain Pohotala. Ulun rih Polawan Kristus; io eam mongahkuoh Amai mahika Anak.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

1 YOHANES 4:3

Tahpi ulun ijo eam ngahkuoh, hal tuh tohou Yesus, io eam anaingina Roh Pohotala. Ulun rih anaingina roh tahkan musuh Kristus. Konduang jari ngonih ijo roh rih ahkan lombut, tutang huntuh io jari anai ang luwang kolunon tuh.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

YUDAS 1:18

Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.