1 YOHANES 2:16 - BOWOT BOHUA

¹⁶ Kokaron angihco anai ang luwang kolunon tuh – ijo tongojolik bain tobiat ulun ijo bodusa, ijo tonohto turus tongojolik tutang ijo tonama-namamoh – paringoh anairih hal-hal ijo eam asar tahkan Amai molekan tahkan kolunon.

1 YOHANES 2:16 ပူးပေါင်းရင်းမြစ်များ

MATEUS 4:8

Pongohuli sehtan ngomin Yesus hino nokuh puruk ijo isung tu'u tutang nunjuk ahkan-Oh paring kolahca'an ang kolunon tutang paring kotahtouoh.

MATEUS 5:28

Tahpi huntuh Ahku nuhtui ahkan'kam: iai ka'a nopahjah ihcobehti bawi tutang lombut kojolik ahtoioh, ulun rih jari hobandung umba ulunbawi orih rih aang ahtoioh.

LUKAS 4:5

Turus sehtan ngomin Yesus nokuh unuk ijo isung, tutang aang 'cokopijep mahto sehtan ngorinah ahkai-Oh, paring kolahca'an ang kolunon.

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

1 KORINTUS 10:6

Paringoh orih rih monjadi sutu ahkan ihto uhuntuh, mangat mopingat ihto, mangat ara jolik hal-hal ijo ja'at kolou iro.

GALATIA 5:17

Tului kojolik kolunon hokolawan umba kojolik Roh Pohotala, tutang kojolik Roh Pohotala hokolawan umba kojolik kolunon. Kododuooh saling hokolawan, nyiring ihkam eam dahpot nguan inon ijo ihkam jolikoh.

GALATIA 5:24

Ulun-ulun ijo ius monjadi ain Kristus Yesus, ulun-ulun rih ius munu tobiat kolunoioh hawui kokaron bolai tutang kojolikoh.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

TITUS 2:12

Pononganasi Pohotala rih mondidik ihto, mangat eam hino bolum hokolawan umba kohondak Pohotala, tutang eam numbun kojolik kolunonoh. Ihto todidik ahkan bolum luwang kolunon tuh hawui ta'an nahan arop, bujur tutang te'et umba auh Pohotala.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

YAKOBUS 3:15

Kopihtaran mahcam orih eam asar tahkan soruga. Io asar tahkan kolunon, tahkan kojolik ulun tutang tahkan sehtan!

YAKOBUS 4:16

Tahpi uhuntuh ihkam tuh bojuhu tutang mombual. Paring bualan kolourih sala.

1 PETRUS 1:14

Te'etiou umba Pohotala, tutang ara bolum numbun konohuang'mu ijo houn, aang ohkot ihkam magun jaha kosono Pohotala.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

2 PETRUS 2:10

khususoh ulun-ulun ijo numbun kojolik-kojolik bolai iro ijo kojilok tutang ijo mohina kowasan Pohotala. Kolourih kohanyi tutang kojuhuoh guru-guru polasu rih nyiring iro eam teka-tekan mohina dolang aangbolum ijo tonohoromat ang soruga ka!

2 PETRUS 2:18

Iro nguan korinah-korinah ijo tama-tamam tutang buang; bolaiusi ijo nyundal orih hapan bain iro, mangat nombohos ulun-ulun ijo punai iou nopara toliwus tahkan barih ulun ijo bolum lahcat.