1 YOHANES 2:11 - BOWOT BOHUA

¹¹ Tahpi ulun ijo bosingi konduangoh mohcon luwang kopindong. Io nyalan luwang kopindong tutang eam ta'an nokuh umoh io tulak, kotului kopindong rih nguan io eam dahpot nohto.

1 YOHANES 2:11 ပူးပေါင်းရင်းမြစ်များ

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 12:40

‘Ahku ngombulenoh mahtan iro, nguan iro mahang ahtoi; mangat mahtan iro ara nohto, tiruk iro ara solembang. Mangat iro ara hoduli nokuh Ahku, turus Ahku ngopios iro.’ ’’

2 KORINTUS 3:14

Tiruk iro jari totutup. Tutang nyiring ang ondou tuh ka tirukihtung iro magun totutup umba sondurung ang ohkot iro mbasa surat-surat tohou bowot ijo tahi rih. Sondurung rih tihkas duon tokuop amat ulun hihco umba Kristus.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

2 PETRUS 1:9

Tahpi ulun ijo eam anaingina sipat-sipat rih, topahjahoh pihcik; io eam tou nohto, tutang io nolingou ijo dusa-dusaoh ijo tokalou jari tonomuhi-Oh.

1 YOHANES 1:6

Amat ihto nuhtui ijo ihto bolum hihco umba Io, padahal ihto bolum ang kopindong, mahka ihto bobalik, pios umba auh-auh kanika umba gawi.

1 YOHANES 2:10

Ulun ijo ngasih Konduangoh, bolum luwang koloang, nyiring eam anai angihco ka aangoh, ijo ahkan kotuluioh ulun bohkon ngonyahtu luwang dusa.

1 YOHANES 2:9

Ulun ijo nuhtui ijo io anai ang luwang koloang, tahpi ulun rih magun bosingi konduangoh, ulun rih magun mohcon ang kopindong nyiring huntuh.

1 YOHANES 3:15

Ulun ijo bosingi konduangoh, ulun rih pomunu, tutang ihkam ta'an, amat ihcobehti pomunu eam norima pombolum sojahti tutang turus-jahamoh.

1 YOHANES 4:20

Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.

PONGORINAH 3:17

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.