1 YOHANES 2:1 - BOWOT BOHUA

¹ Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

1 YOHANES 2:1 ပူးပေါင်းရင်းမြစ်များ

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 13:33

Anak-anak-Ku, Ahku eam ahkan mohcon tahi hino umba ihkam. Ihkam ahkan ngurah Ahku, tahpi kolou ijo jari Ahku nuhtuioh ahkan dolang okon Yahudi, kodorih ka'a Ahku nuhtui ahkan ihkam; nokuh unuk Ahku tulak, ihkam eam dahpot lombut.

YOHANES 14:16

Ahku ahkan nyawot ahkan Amai, tutang Io ahkan nonga ahkan'kam Pondohop bohkon, ijo ahkan mohcon dahang ihkam nyiring turus-jahamoh.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 21:5

Yesus nuhtui umba iro, ‘‘Anak-anak-Ku, inon ihkam anai ohcin?’’ ‘‘Eam aro,’’ hion'ndo.

YOHANES 5:14

Pongohuli Yesus hosombang umba ulun rih ang Lohpou Tuhan tutang nuhtui umba io, ‘‘Uhuntuh ihko jari pios. Ararih bodusa hino, mangat eam nyuru hal ijo labih ja'at.’’

YOHANES 5:36

Tahpi kosaksian-Ku labih hajo umba kosaksian Yohanes. Inon ijo huntuh Ahku nguaioh tuh, ijo orih gawi ijo tononga Amai ahkak-Ku, mbuktioh ijo Amai jari nyuhu Ahku.

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

YOHANES 8:11

‘‘Eam, Amai,’’ hioioh mutah. ‘‘Hinutrih,’’ hion Yesus, ‘‘Ahku ka'a eam mohukum ihko. Uhuntuh ihko buli, ara nguan dusa hino.’’]

KESAH RASUL-RASUL 7:52

Kuwoh anai ihcobehti nabi ijo eam konoporos bain tahtu ajuh'kam? Iro munu soruhan-soruhan tahkan Pohotala ijo jaman houn lomoi jari monyiar ijo Jihpon Pohotala ijo morong rih ahkan lombut. Tutang huntuh ihkam ngarana tutang munu Jihpon Pohotala rih.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 6:15

Huntuh, kuwoh koloputai-Oh? Toukah ihto bodusa, tului ihto eam hino ang pinda kowasa hukum agama Yahudi, molekan ang pinda kowasa pononganasi Pohotala? Samasino eam!

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

EPESUS 4:26

Amat ihkam sangit, ararih mohonou kosangit rih, kotuluioh ihkam bodusa. A'airih bosingi sohopus ondou,

1 TIMOTEUS 2:5

Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.

1 TIMOTEUS 3:14

Ahku bokoharap, eam tahi hino ahku ahkan masap ihkam. Oluka kodorih, ahku nyurat ka'a surat tuh ahkan'kam,

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

YAKOBUS 3:9

Ihto monggunaoh ahkan ngohawot torimakasih ahkan Tuhan, tutang Amai ihto, tahpi ka'a ahkan nulat sosama ulun, ijo jari tona'oi numbun tapan Pohotala.

1 PETRUS 2:22

Io eam pu'u nguan dusa, tutang eam pu'u ihcobehti ka'a, ngonih Io ngohawot alik.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 3:18

Anak-anak'ku! Ararih ihto ngasi baya ang nyama, ata'ai tihkas umba kohawot iou. Hondakrih ihto ngasi umba kasih ijo sojahti, ijo tongorinah umba gawin ihto.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

1 YOHANES 3:7

Anak-anak'ku, ara mohonau iai ka ka'a monyosatoh ihkam. Ulun ijo nguan kohondak Pohotala anairih Anak Pohotala, kolouumoh Kristus anairih Anak Pohotala.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 5:17

Paring gawi ijo sala anairih dusa, tahpi anai dusa ijo eam ngonjorian ulun nihou pombolum sojahti tutang kototahiu rih.

1 YOHANES 5:21

Anak-anak'ku, ngomahcuohrih arop'kam tahkan dewa-dewa!

3 YOHANES 1:4

Eam anai ijo dahpot monyababoh ahku labih jorih, tahkanmba ngonih ijo anak-anak'ku bolum numbun ajaran Pohotala.