1 YOHANES 1:9 - BOWOT BOHUA

⁹ Tahpi amat ihto ngahku dusa-dusan ihto ahkan Pohotala, Io ahkan molalus bowot-Oh, tutang nguan inon ijo adil. Io ahkan ngapun dusa-dusan ihto tutang ngomuhi ihto tahkan karo gawin ihto ijo sala.

1 YOHANES 1:9 ပူးပေါင်းရင်းမြစ်များ

MATEUS 3:6

Iro mongahku karon-dusan'ndo, tutang Yohanes mopondus iro ang Sungoi Yordan.

MARKUS 1:5

Paring ulun tahkan tanah Yudea tutang lowu Yerusalem tulak ngonih Yohanes. Iro ngahku dusa-dusan'ndo, tutang Yohanes mopondus iro ang Sungoi Yordan.

LUKAS 22:57

Tahpi Petrus eam ngahku. Io nuhtui, ‘‘Ahku eam kosono ulun tuh!’’

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

KESAH RASUL-RASUL 19:18

Aro ulun ijo jari porocaya ahkan Yesus, lombut ngahku ang toharep ulunaro, gawin-gawin iro ang wayah houn.

RUMA 3:26

Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 10:23

Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

IBRANI 11:11

Kotului porocaya, mahka Abraham tou dahpot lihit tahkan Sarah, uloka Abraham jari dalou oko tutang Sarah bongoi tomanang. Abraham yahkin ijo Pohotala ahkan monyolung bowot-Oh.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

PONGORINAH 15:3

Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh, ‘‘Tuhan, Pohotala Mahakowasa, eaminon kohajoi tutang kohelanoh gawin-gawin-Mu! Lahca kokaron uhtus, eaminonrih adil tutang morong tindakan-tindakan-Mu!