1 YOHANES 1:3 - BOWOT BOHUA

³ Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

1 YOHANES 1:3 ပူးပေါင်းရင်းမြစ်များ

YOHANES 17:11

Uhuntuh Ahku kani lombut nokuh Amai. Ahku eam mohcon hino ang kolunon; tahpi iro anai ang kolunon. Amai ijo borasih! Jaga rih iro umba kowasan aran Amai, io orih aran ijo jari Amai nongaoh ahkak-Ku – mangat iro monjadi ihco, sama kolou Amai tutang Ahku ka'a ihco.

YOHANES 17:21

Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

YOHANES 17:25

Amai ijo adil! Kolunon eam kosono Amai, tahpi Ahku ngosono Amai; tutang ulun-ulun tuh ta'an ijo Amai nyuhu Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 19:35

Ulun ijo nohto bongoi kojodian rih, iorih ijo mborihta hal orih, mangat ihkam ka'a porocaya. Tutang kosaksianoh rih morong tutang io ta'an ijo orih morong.

KESAH RASUL-RASUL 13:32

Jari huntuh ihkai tuh ngihtotoh Kabar Hinut rih ahkan ihkam: Inon ijo Pohotala jari nobowotoh ahkan tahtu ajuh ihto,

KESAH RASUL-RASUL 13:41

‘Nohtoani pio-piosoh ihkam ulun-ulun ijo jolik ngonja'at injahoh! Ihkam ahkan gagum, turus mahtoi! Tului ang jaman tuh Ahku rahat nguan ang'co ijo ihkam bongom eam ahkan porocayaoh, oluka anai ulun mborihtaoh ahkan'kam.’ ’’

KESAH RASUL-RASUL 2:42

Hawui kokehtep iro bajar tahkan rasul-rasul rih, tutang toturus hopuhpung hombo-homboh. Iro kuman hombo-homboh tutang bodo'a hombo-homboh.

KESAH RASUL-RASUL 20:27

Eam pu'u ahku buhou tahkan angkonuak'ku, ngonorangan ahkan ihkam koparing, rancana Pohotala.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

RUMA 15:27

Honong sanang ahtoi iro monahtap, ahkan nguan orih. Puna komorongoh, iro pahtut dohop konduang-konduang ijo porosbolum, ang Yerusalem rih, tului tahkan ulun-ulun Yahudi rih, ulun-ulun bohkon Yahudi rih ius norima borehkat-borehkat tahkan Pohotala. Jadi, ulun-ulun ijo bohkon Yahudi rih, pahtut ka'a dohop ulun-ulun bohkon Yahudi umba borehkat-borehkat ramuioh.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

1 KORINTUS 15:1

Tutang huntuh, Konduang-konduang ahku kani ihkam mingat huli ahkan Kabar Hinut tahkan Pohotala ijo ahku mborihta houn ahkan ihkam. Ihkam norimaoh tutang porocaya ahkan Kristus kotului Kabar Hinut rih.

EPESUS 3:6

Rahasia rih, iorih tuh: Nguha Kabar Hinut rih, ulun bohkon Yahudi umba nginyam borehkat-borehkat Pohotala, ijo lomoi tonahtap tihkas ahkan ulun Yahudi. Ulun-ulun bohkon Yahudi jari monjadi ramu tahkan behti ijo sama, tutang umba norima inon ijo tonobowot Pohotala nguha Kristus Yesus.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

PILIPI 2:1

Ihkam ba'as, kotului ihkam hihco umba Kristus. Tutang ihkam tonoapung kotului Kristus ijo ngasi ihkam! Ihkam toniting Roh Pohotala, tutang ihkam ka'a saling hosita tutang saling hobalos kasih ihco umba ijo bohkon.

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

1 TIMOTEUS 6:2

Jihpon-jihpon ijo tuanoh ulun Kristen, eam tou mopohian tuanoh, tului iro sama-sama ulun Kristen. Malah iro koharusoh mohalu tuan iro rih honong labih pios hino, tului tuan ijo tonohaluoh umba pios orih rih uras sama-sama ulun porocaya ijo tonokasih. Koparingoh tuh harusrih ihko majar tutang ningakrih.

IBRANI 2:12

Yesus pander umba Pohotala, ‘‘Ahku ahkan mborihtaoh ahkan konduang-konduang-Ku tohou Ihko. Ahku ahkan monara Ihko ang a'ang puhpung iro.’’

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

2 PETRUS 1:16

Ang ohkot ihkai momborihta ahkan'kam, eaminon kohajoioh polombut Tuhan ihto Yesus Kristus, ihkai eam bohahpang aang dongeng-dongeng kabar-alik bain kolunon. Kohajon Yesus Kristus rih jari ihkai nohtooh umba mahta kuhung bongon.

1 YOHANES 1:1

Usin surat tuh tohou Auh ijo mononga pombolum, yorih Auh ijo jari anai tahkan pahtuk nopara. Ihkai jari ngonihoh, tutang ihkai jari nohtooh, umba mahtan ihkai bongon. Ihkai jari nopahjahoh, tutang jari nambitoh umba longon ihkai.

1 YOHANES 1:5

Tuhrih borihta ijo jari ihkai ngonih tahkan Anak-Oh, tutang ijo ihkai monyiaroh ahkan ihkam; Pohotala rih koloang, tutang aang Io eam anai kopindong samasino.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.