1 YOHANES 1:1 - BOWOT BOHUA

¹ Usin surat tuh tohou Auh ijo mononga pombolum, yorih Auh ijo jari anai tahkan pahtuk nopara. Ihkai jari ngonihoh, tutang ihkai jari nohtooh, umba mahtan ihkai bongon. Ihkai jari nopahjahoh, tutang jari nambitoh umba longon ihkai.

1 YOHANES 1:1 ပူးပေါင်းရင်းမြစ်များ

LUKAS 1:2

Iro nyurat hotohorong umba ijo jari tomorihta ahkan ihto bain ulun-ulun ijo nohto bongoi karonaang nyolung orih tahkan pahtukoh, tutang pongohino mborihtaoh kabar orih.

LUKAS 24:39

Topahjah longok-Ku, tutang topahjah pa'ak-Ku. Ngota'anrih ijo Ahku bongokrih tuh! Gayaprih tutang nohto, tului otu eam anai usiou ata'ai tulang, kolou ijo ihkam nohto aang Ahku.’’

YOHANES 19:35

Ulun ijo nohto bongoi kojodian rih, iorih ijo mborihta hal orih, mangat ihkam ka'a porocaya. Tutang kosaksianoh rih morong tutang io ta'an ijo orih morong.

YOHANES 20:27

Pongohuli Yesus nuhtui umba Tomas, ‘‘Nohto longok-Ku, tutang ngina iking'mu ang ohtoi. Ngonjuluk longon'mu tutang nginaoh ang kombuhang-Ku. Ara bembang hino, tahpi porocaya iou!’’

YOHANES 5:26

Kolou Amai bongoi tohasak pombolum, kodorih ka Io ponjadi Anak-Oh tohasak pombolum ka'a.

YOHANES 8:58

Yesus mutah, ‘‘Kotu'ui Ahku nuhtui umba'kam: hounumba Abraham konanak, Ahku jari anai.’’

KESAH RASUL-RASUL 1:3

Uliumba Io mahtoi, kotahin ohpat pulu ondou Io bojoin ngorinah arop-Oh umba cara ijo bokorinah samasino ahkan rasul-rasul rih ijo Io puna tu'u bolum. Iro nohto Io, tutang Io hopander umba iro tohou koloukuwohoh Pohotala moretah kolou Lahca.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.

1 YOHANES 5:7

Anai tolu saksi:

PONGORINAH 1:11

Auh rih nuhtui, ‘‘Surat, inon ijo ihko nohtooh, tutang ngirim surat tuh ahkan pihtu ukup ijo pongotuh: Epesus, Simirna, Pergamus, Tiatira, Sardis, Piladelpia, tutang Laodekia.’’

PONGORINAH 1:8

‘‘Ahku rih ijo pahtuk tutang ijo kolaiu,’’ hion Tuhan Pohotala, ijo anai, ijo jari anai, tutang ijo anai toturusoh, Ijo Mahakowasa.

PONGORINAH 19:13

Kolambipanjang ijo tohapa-Oh jari tocolop a'ang daha. Tutang Io konohawot, ‘‘Auh Pohotala’’.

PONGORINAH 2:8

‘‘Ahkan molehkat ukup ang Simirna, nyurat koloutuh: Tuhrih pohtoh tahkan Io ijo pahtuk tutang ijo laiu ijo jari mahtoi tutang bolum hoduli.