1 TIMOTEUS 6:4 - BOWOT BOHUA

⁴ anairih ulun ijo bojuhu, tutang eam kota'an ino-inon! Ponyahkitoh iorih jolik bodebat tutang hojawab, tohou istilah-istilah nyiring mopolombut hiri ahtoi, kopusitoh, pitnah, hokobohu ijo eam pios,

1 TIMOTEUS 6:4 ပူးပေါင်းရင်းမြစ်များ

KESAH RASUL-RASUL 15:2

Paulus tutang Barnabas ngolawan paham umba tiruk ulun ijo kolourih. Kojoriaioh tonuhkas mangat Paulus doro Barnabas hawui pira-pira ulun bohkon, tahkan Antiokhia tulak nokuh Yerusalem ahkan hotohou masalah orih umba rasul-rasul tutang okon-okon ukup ijo ang anan.

KESAH RASUL-RASUL 18:15

Tahpi tuh anairih hokolawan tohou auh-auh tutang aran-aran hawui hukum-hukum'kam bongom! Jadi ihkam ijo harus mongobuahoh mohaumoh. Ahku bahat nanyamoh muhtus hal-hal kolouorih!’’

KESAH RASUL-RASUL 8:9

Aang lowu rih anai ihcobehti ulunbahkas bogare Simon ijo pira-pira ohkot kotahiuoh nguan ulun-ulun Samaria torongong ahkan ilmu seheroh. Io ngohawot ahkan iro, ijo io ulun ijo luar biasa.

RUMA 12:16

Bolum rukun ihco umba 'jobohkon. Ara pokarah isung ahtoi, tahpi nyama arop'kam umba ulun ijo pinda ponuotoh. Ara madu arop labih pitar tahkanumba ijo komorongoh.

RUMA 13:13

Ihto harus nguan hal-hal tonohoromat kolou ijo kopu'uoh, konuan ulun aang koloang ondou. Ara pesta rami molowi bahtasoh, ata'ai nyiring bobusau. Ara ngihal, ata'ai tobiat eam morong. Ara rajin hokolahi, ata'ai hiri ahtoi.

RUMA 14:1

Ulun ijo eam yahkin ahkan inon ijo tomorocayaoh harus tonorima honong kopios ahtoi ang louk Konduang-konduang. Ara hojawab umba ulun tohou pihkir-pihkiroh.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

1 KORINTUS 11:16

Orih! Amat anai ijo kani hojawab tohou masalah tuh, ihco-ihcooh ijo ahku dahpot nuhtuioh, iorih ijo pios ihto oluka ukup-ukup Pohotala bohkon, aang ulunaro tihkas tepun ihco kopatuh rih ang ukup; bohkon tahkanumba rih eam anai.

1 KORINTUS 11:18

Aang pahtukoh ahku ngonih, ijo ang luwang puhpung-puhpung'kam anai hobarih-hobarih ijo saling hokolawan. Tutang ahku ngohu isut aro Kabar rih morong.

1 KORINTUS 3:18

Ararih ihcobehti ka ngabalik aropoh bongoi. Amat anai ulun ang louk'kam, komo aropoh horahti numbun tihpong kolunon tuh, ulun rih harus kolou ulun uong, mangat io monjadi moro-morong horahti.

1 KORINTUS 3:3

kotului ihkam magun bolum numbun tobiat'kam cara kolunon. Kotului amat magun hiri ahtoi tutang hokolahi sama arop'kam, eamkah orih pokarah ijo ihkam magun numbun tobiat kolunon, kolou ulun-ulun ijo eam kosono Pohotala?

2 KORINTUS 11:20

Ihkam mohonou ahku kolou ulun mohojihpon ihkam, ata'ai mohamih, tutang ngomin utung tahkan ihkam, ata'ai komo arop labih isung tahkan ihkam, tutang bohanyi napar'kam.

GALATIA 5:15

Tahpi amat ihkam saling hokoramak, awas noin ihkam hombo-homboh lonyuh.

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

GALATIA 6:3

Amat ihcobehti ngohu aropoh boguna, podahal eam, ulun rih ngobalik aropoh bongoi.

PILIPI 1:15

Puna anai pira-pira ang parak iro ijo mborihta Kristus tului hiri ahtoi, tutang kani hojawab, tahpi ijo bohkon mborihta Kristus, tului anai maksud ijo hinut.

PILIPI 2:14

Nguan iou rih kokaron aangihco hawui ara bokuhtu-kuhtuk ata'ai hojawab.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

2 TESALONIKA 2:4

Honong bojuhu io ahkan molawan tutang ngoisung arop-Oh, ang ngosan paring ijo tonyembah bain ulun, ata'ai paring hotala ijo iro ngohuoh Pohotala bain kolunon. Dahang io ahkan tuot ang luwang Lohpou Pohotala tutang momborihta ijo Io anairih pohotala.

1 TIMOTEUS 1:4

Nuhtui umba iro mangat a'ai hino rajin ngonih a'ang korimoi-korimoi, tutang sosana-sosana, asal-usul ijo eam pahtot-pahtotoh. Paringoh rih tihkas tou mpolombut kosangit iou, tutang eam mpomiar rancana Pohotala, ijo baya dahpot tongosono, nguha porocaya umba-Oh.

1 TIMOTEUS 1:7

Iro kani monjadi guru-guru agama padahal iro bongoi eam paham auh-auh ijo iro hapai ata'ai hal-hal ijo iro nyorihtarih umba kodorih yahkinoh.

1 TIMOTEUS 3:6

Ihcobehti pohalu ukup, eam tou ulun ijo bohua iou monjadi Kristen, tului noin io monjadi bojuhu, turus tonulut kolou Sehtan lomoi.

2 TIMOTEUS 2:14

Hondakrih ihko mopingat ulun-ulun tohou paringoh tuh. Ang toharep Pohotala, ningakohrih iro mangat a'ai somba'an tohou istilah-istilah. Orih eam anai gunaioh, malahan tihkas nderoh ulun-ulun ijo ngonihoh.

2 TIMOTEUS 2:23

A'ai umba a'ang kosomba'anauh ulun-ulun uong ijo eam ta'an ino-inon. Ihko ta'an ijo paring orih tihkas mopolombut kolahiauh.

2 TIMOTEUS 3:4

Iro rajin dorhaka, bojuhu ahtoi, tutang eam moniruk ombu. Iro labih rajin aang kosanang kolunon tahkanumba numbun Pohotala.

TITUS 3:9

Mokila tahkan hotokian-tokian ijo eam anai gunai, sosana-sosana asal-usul, hokosingi tutang hokolahi tohou hukum agama. Paring orih eam anai gunaioh, tutang eam anai utungoh.

YAKOBUS 1:19

Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

2 PETRUS 2:12

Tahpi guru-guru rih eam inon! Iro kolou ohcintana ijo konanak ahkan tonawan tutang tomunu iou. Iro eam bopikir, tahpi baya nguai numbun pokomo iou, nyiring iro nyarang hal-hal ijo eam ngosonooh umba auh-auh pohina. Kotului orih, bain karon-gawin iro bongoi, iro ahkan rusak kolou ohcintana-ohcintana bosiak.

2 PETRUS 2:18

Iro nguan korinah-korinah ijo tama-tamam tutang buang; bolaiusi ijo nyundal orih hapan bain iro, mangat nombohos ulun-ulun ijo punai iou nopara toliwus tahkan barih ulun ijo bolum lahcat.

YUDAS 1:10

Tahpi umba pohina-pohina'an, ulun-ulun rih, nyarang kokaro ang'co ijo iro eam horahti. Iro sama kolou ohcin-ohcin ijo eam anai ahkaroh, ijo ngota'an hal-hal umba nanyamoh. Tahpi justru hal-hal orih, ijo kotuluioh kolonyuh iro.

YUDAS 1:16

Ulun-ulun rih toturus iou bokuhtuk tutang nosalan ulun bohkon. Iro bolum numbun kojolik-kojolik iro ijo bodusa. Iro panderalik tohou aropoh bongoi, tutang monjilat ulun mangat duon utung.

PONGORINAH 3:17

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.