1 TIMOTEUS 5:5 - BOWOT BOHUA

⁵ Balu ijo tu'u-tu'u ihcobehti bongoi tutang eamanai ia-iai ijo dahpot mohaga io, tihkas boharap ahkan Pohotala. Hondou ngalomi io turus bodo'a ahkan Pohotala ahkan nyawot pondohop-Oh.

1 TIMOTEUS 5:5 ပူးပေါင်းရင်းမြစ်များ

LUKAS 18:1

Uliorih Yesus monyorihta ihco porobasa ahkan majar murid-murid-Oh mangat'ndo hototurus bodo'a tutang a'ai putus asa.

LUKAS 18:7

Orih, inon Pohotala eam ahkan ngomorong porokara ukup-Oh bongoi ijo nyawot dohop umba Io hondou tutang ngolomi? Inon Io ahkan nguluh kotihka ahkan ndohop iro?

LUKAS 2:37

Hana monjadi balu, tutang uhuntuh umuroh jalu pulu ohpat toun. Eam pu'u io nohtahoh Lohpou Tuhan. Handou homalom io te'et ang anan umba Pohotala homboh bodo'a tutang puasa.

KESAH RASUL-RASUL 26:7

Bowot orih ka'a ijo tomorocaya bain koduo balas suku uhtus Israel, nyiring iro bosorah sombayangnyembah umba Pohotala iou hondou tutang homalom. Tutang mahihino bain ahku porocaya ahkan bowot orih, Baginda Ijo Tomohoromat ahku tonosalanoh bain ulun-ulun Yahudi.

KESAH RASUL-RASUL 6:1

Murid-murid Yesus sasar tahi sasar mondahang aro. Aang ohkot rih ulun-ulun Yahudi ijo hapa basa Yunani, monjadi eam sanang toharep ulun Yahudi asli. Ijo basa Yunani rih nuhtui, ‘‘Bawin-bawin ihkai ijo jari balu eam duonbagian pondohop ukus nyinong ondou ijo tomagi-magioh ahkan ulun-ulun.’’

KESAH RASUL-RASUL 9:39

Petrus turus tulak hawui homboh iro. Kojohcokoh ang anan, io konomin iro nokuh tahkun ijo ang diang. Paring balu ang anan ngorumbung Petrus tutang nangih, tutang pokarah ahkaioh hahtiu-hahtiu, tulang jubah-jubah ijo tonusuk Dorkas ahkan iro ohkot io magun bolum.

KESAH RASUL-RASUL 9:41

Turus Petrus nambit longoioh, tutang dohop io tombok. Pongohino rih Petrus na'ah ulun-ulun ijo porocaya ang anan homboh umba balu-balu rih, turus nyarah Dorkas ijo jari bolum huli rih ahkan'ndo.

RUMA 1:12

Konohuang'ku iorih, tului ihto sama-sama jari porocaya umba Yesus Kristus, mahka ihto dahpot saling hokomba'as.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

1 KORINTUS 7:32

Ahku jolik mangat Konduang morodehka tahkan kosusah. Ulun ijo eam ngoruh, ahkan mbulat tirukoh aang hal-hal tohou Tuhan, kotului io jolik ngojorih Tuhan.

1 KORINTUS 7:34

kojoriaioh karon-tirukoh tobagi-bagi. Ihcobehti bawi ijo eam ngomosai, ata'ai ihcobehti anakdara, ahkan aro niruk hal-hal tohou Tuhan, kotului io jolik mangat behtiu homoruaioh, monjadi ain Pohotala. Tahpi ihcobehti ulunbawi ijo jari ngomosai, io ngobulat tirukoh nitu hal-hal kolunon tuh, tului jolik io ngojorih ahtoi bosaioh.

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

PILIPI 4:6

Ara kowatir tohou inon ka'a. A'ang kokaro hal, bodo'a tutang nyapai sawot'kam ahkan Pohotala. Inon ijo ihkam kani, sumanorih toturus ahkan Pohotala hawui ngohawot torimakasih.

1 TIMOTEUS 2:1

Pahtu-pahtukoh, ahku nyawot honong paham, mangat sawot, sombayang, tutang do'a sapa'at hawui kohawot torimakasih tonyapai ahkan Pohotala ahkan paring ulun,

1 TIMOTEUS 5:16

Tahpi amat ihcobehti bawi Kristen, anai anak jolahai ijo ius monjadi balu, io harus dohop balu-balu rih; ara mahanou ukup ijo nanggung iro. Honong kodorih ukup dahpot dohop balu-balu ijo samasino eam aro aring-konduang.

1 TIMOTEUS 5:3

Horomatrih balu-balu ijo moro-morong bolum ihcobehti bongoi.

2 TIMOTEUS 1:3

Ahku ngohawot torimakasih ahkan Pohotala, ijo ahku mohaluoh umba ahtoi-bua ijo borasih, kolou ijo konuan tahtu ajuh'ku ijo lomoi. Ahku toturus ngohawot torimakasih ahkan Pohotala, nyinong tikat ahku mingat ihko ang do'a, pios hondou kanika ngolomi.

1 PETRUS 3:5

Umba cara tuhrih ang jaman houn bawi-bawi boagama ijo porocaya umba Pohotala, mompohinoi aropoh hawui tunduk umba bosai iro.