1 TIMOTEUS 5:10 - BOWOT BOHUA

¹⁰ bosewut kolou ulunbawi ijo nguan hal-hal ijo pios, kolou misaroh; jari pohajo anak-anakoh honong pios, sanang norima bohkonuhtus nginap ang lohpouoh, mohalu ulun-ulun porocaya, mondohop ulun-ulun ijo susah, tutang nguan rih hawui tu'u-tu'u, kokaro mahcam gawi ijo pios.

1 TIMOTEUS 5:10 ပူးပေါင်းရင်းမြစ်များ

MATEUS 25:17

Kolourih ka'a pohalu ijo norima duo kuhjan duit bulou rih norima utung duo kuhjan duit bulou hino.

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

LUKAS 7:38

Io tombok ang sila likut Yesus doni pa'ai-Oh tutang nangih homboh misa pa'an Yesus hapa danum mahtaioh. Uli hino pa'an Yesus tongapitoh umba balouoh turus ngarokoh tutang nahtaoh umba minyak buanharum.

LUKAS 7:44

Turus Yesus nopahjah umba ulunbawi rih, tutang nuhtui umba Simon, ‘‘Ihko nohto ulunbawi tuh? Ahku lombut nokuh lohpou'mu, tutang ihko eam nyodia danum hapa muhi pa'ak-Ku; tahpi ulunbawi tuh jari muhi pa'ak-Ku umba danum mahtaioh, tutang ngahpitoh umba balouoh.

KESAH RASUL-RASUL 10:22

Iro mutah, ‘‘Kapten Kornelius nyuhu ihkai nokuh ohtoi. Io ihcobehti ijo hinut tutang mihkoh umba Pohotala, tutang paham tomohoromat bain paring ulun Yahudi. Ihcobehti molehkat Tuhan nyuhu io nyawot tuan masap nokuh lohpouoh, tului kolou putah ngosan do'aoh io sonuhu ngonih, inon ijo ahkan Tuan nuhtui ahkaioh.’’

KESAH RASUL-RASUL 22:12

Ang anan tohko ihcobehti bogare Ananias. Io ihcobehti ijo borasih tutang tuhit molalus hukum Museh. Paring ulun Yahudi ijo mohcon ang Damaskus uras hormat umba io.

KESAH RASUL-RASUL 6:3

Jadi pios Konduang-konduang ngopili tahkan louk ihkam pihtu behti ijo anai aran morong, konowasa Roh Pohotala tutang piosbosara, ijo duon ihkai nyuhuoh mongurus soal-soal tuh;

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

KESAH RASUL-RASUL 9:39

Petrus turus tulak hawui homboh iro. Kojohcokoh ang anan, io konomin iro nokuh tahkun ijo ang diang. Paring balu ang anan ngorumbung Petrus tutang nangih, tutang pokarah ahkaioh hahtiu-hahtiu, tulang jubah-jubah ijo tonusuk Dorkas ahkan iro ohkot io magun bolum.

RUMA 12:13

Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

1 TIMOTEUS 2:10

Sobalikoh ulunbawi pios mokahjan aropoh umba gawi-gawi ijo pios, koloukuwoh ijo pahtut ahkan ulunbawi ijo sombayang ahkan Pohotala.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 3:7

Io harusrih ulun ijo anai aran pios a'ang ulunaro, bain amat eam kodorih, mahka io ahkan tonohina ulun, nyiring ngonyahtu nokuh pinda sokohtung Sehtan.

1 TIMOTEUS 5:16

Tahpi amat ihcobehti bawi Kristen, anai anak jolahai ijo ius monjadi balu, io harus dohop balu-balu rih; ara mahanou ukup ijo nanggung iro. Honong kodorih ukup dahpot dohop balu-balu ijo samasino eam aro aring-konduang.

1 TIMOTEUS 5:25

Kodorih ka'a gawi-gawi pios nyolung gihtan. Tutang ijo murah gihtan sinoka, eam tou toturus tonyuhuk.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

2 TIMOTEUS 1:5

Ahku ingat ahkan koporocayaan'mu ijo tu'u-tu'u umba Kristus, sama kolou koporocayaan ajuh'mu Luis tutang inai'mu Eunike. Tutang ahku yahkin ihko ka porocaya kolou orih.

2 TIMOTEUS 2:21

Ulun ijo porasih aropoh tahkan paring ijo ja'at, ulun rih tohapan ahkan gunan ijo mombahtang. Io monjadi ain ijo khusus tutang boguna ahkan tuanoh. Io tonahtap ahkan tohapan bagi nyinong gawiu ijo pios.

2 TIMOTEUS 3:15

Ihko harus ingat, ijo tahkan koik, ihko jari kosono Surat Borasih. Surat Borasih rih dahpot nonga ahkan'kam horahti ahkan dahpot solamat, nguha porocaya umba Kristus Yesus.

2 TIMOTEUS 3:17

Umba Surat Borasih rih, ulun ijo mohalu Pohotala dahpot tonyuhkup honong soporuna ahkan kokaron mahcam gawi ijo hinut.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

TITUS 3:1

Mopingatrih anak-anak ukup'mu, mangat iro tunduk umba okon-okon tutang pongowasa nogara, hawui te'et tutang bosodia nguan nyinong hal ijo hinut.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

IBRANI 10:24

Tutang hondakrih ihto saling nohtoani, mangat saling hotonga hojuhung ahkan ngasi sosama tutang nguan hal-hal ijo hinut.

IBRANI 13:2

Ara mihkoh norima ang lohpou'mu ulun-ulun ijo jaha ihkam kosono. Tului honong nguan ijo kolourih, pu'u ulun, earo ngorondongoh, jari norima molehkat ang lohpouoh.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 4:9

Hondakrih, ihkam norima ihco umba ijobohkon, ang lohpou nyinong-nyinong eam bokuhtuk.

3 YOHANES 1:12

Paring ulun monara Dimetrius. Mahihino Pohotala ka monaraoh. Ihkai ka'a naraoh, tutang Konduang kota'an ijo inon, ijo ihkai nyiaroh, dahpot tomorocaya.