1 TIMOTEUS 4:7 - BOWOT BOHUA

⁷ Ngomahcu sosana-sosana tohayul ijo eam boguna. Hondakrih ihko molatih arop'mu ahkan pombolum ijo bosombayang.

1 TIMOTEUS 4:7 ပူးပေါင်းရင်းမြစ်များ

KESAH RASUL-RASUL 24:16

Orih kotuluioh, ahku toturus ngurahjalan ijo somoro-morongoh, mangat ahtoi bua aik'ku borasih, tohimo Pohotala tutang borasih toharep kolunon.

1 TIMOTEUS 1:4

Nuhtui umba iro mangat a'ai hino rajin ngonih a'ang korimoi-korimoi, tutang sosana-sosana, asal-usul ijo eam pahtot-pahtotoh. Paringoh rih tihkas tou mpolombut kosangit iou, tutang eam mpomiar rancana Pohotala, ijo baya dahpot tongosono, nguha porocaya umba-Oh.

1 TIMOTEUS 1:9

Kopunaoh harus tongingat, ijo hukum tonapa eam toharep ulun pios, molekan toharep ulun polanggar hukum, bola ponyilou, ulun rusak bejad, toharep ulun bodusa, ulun ijo eam boagama, ulun cara kolunon, toharep ulun ijo pomunu amaioh ata'ai inaioh, dolang pomunu aang paringoh,

1 TIMOTEUS 2:10

Sobalikoh ulunbawi pios mokahjan aropoh umba gawi-gawi ijo pios, koloukuwoh ijo pahtut ahkan ulunbawi ijo sombayang ahkan Pohotala.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

1 TIMOTEUS 6:11

Tahpi ihko anairih ulun ain Pohotala, jadi ihko harus ngomahcu paringoh rih. Bousaha monjadi ulun ijo morong ang mahtan Pohotala, ijo mongabdi umba Pohotala, porocaya umba Kristus, mongasih sosama, tahan a'ang kokarot, tutang sihkap bolomu lembai.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

1 TIMOTEUS 6:3

Ia-iai ngajar ajaran ijo bohkon tahkanmba orih, tutang eam sotuju umba ajaran ijo morong tahkan Tuhan ihto Yesus Kristus, tutang umba ajaran agaman ihto,

1 TIMOTEUS 6:5

tutang hosolisih ijo eam tou ohpa-ohpah. Jalan tiruk ulun-ulun orih, jari kahput tutang earo hino komorong. Iro ngohu tou monjadi tahtou tahkan agama.

2 TIMOTEUS 2:16

Ngomahcurih panderan-panderan, ijo eam anai gunaioh tutang ijo mohina Pohotala. Panderan-panderan kolou orih tihkas napa ulun mahi-mahi ja'at.

2 TIMOTEUS 2:23

A'ai umba a'ang kosomba'anauh ulun-ulun uong ijo eam ta'an ino-inon. Ihko ta'an ijo paring orih tihkas mopolombut kolahiauh.

2 TIMOTEUS 3:12

Puna paring ulun ijo kani bolum sombayang tutang bolum hihco umba Kristus Yesus ahkan tongoporos,

2 TIMOTEUS 3:5

Mahika socara koului iro te'et monjalanoh kowajiban agama, namun nulak usiou tahkan agama rih bongoi. Jayongohrih ulun-ulun ijo kolourih.

2 TIMOTEUS 4:4

Iro ahkan mangop tolingai toharep ijo morong, tahpi ahkan nguap tolingaioh toharep solihta-solihta kolimoi.

TITUS 1:14

tutang eam hino nambit ang kolimoi-kolimoi Yahudi, ata'ai aturan-aturan ijo tonapa bain ulun-ulun, ijo nulak ajaran ijo morong rih.

TITUS 2:12

Pononganasi Pohotala rih mondidik ihto, mangat eam hino bolum hokolawan umba kohondak Pohotala, tutang eam numbun kojolik kolunonoh. Ihto todidik ahkan bolum luwang kolunon tuh hawui ta'an nahan arop, bujur tutang te'et umba auh Pohotala.

TITUS 3:9

Mokila tahkan hotokian-tokian ijo eam anai gunai, sosana-sosana asal-usul, hokosingi tutang hokolahi tohou hukum agama. Paring orih eam anai gunaioh, tutang eam anai utungoh.

IBRANI 5:14

Ukun ijo mahang tohko ahkan ulun oko, ijo tului pongalaman jari dahpot ngobohkon-bohkon umoh ijo pios tutang umoh ijo ja'at.