1 TIMOTEUS 4:6 - BOWOT BOHUA

⁶ Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

1 TIMOTEUS 4:6 ပူးပေါင်းရင်းမြစ်များ

MATEUS 13:52

Turus Yesus nuhtui, “Bain orih nyinong guru agama, ijo ius monjadi barih Pohotala, sama umba ihcobehti tepun lohpou mopolua tahkan unuk ponahtouoh, ponahtou-ponahtou bohua tutang usang.”

LUKAS 1:3

Uli ahku honong nolihtioh moriksa paring orih tahkan pahtukoh, ahku ngira pios mangat nyurat ihco laporan ijo tosusun ahkan'kam.

KESAH RASUL-RASUL 1:15

Ang ihco ondou kotihka iro rahat hopuhpung – anai kowa solahtus duo pulu behti ijo dumah – Petrus tombok mangat bopander umba ulun aro. Io nuhtui,

KESAH RASUL-RASUL 20:31

Tului orih bojaga-jaga! Ingat ijo tolu toun kotahiu hawui aro danum mahtotumbak, hondou homalom ahku eam pu'u tondo majar nyinong ulun tahkan ihkam.

KESAH RASUL-RASUL 20:35

A'ang paring porokara ahku jari nonga sutu ahkan'kam ijo umba gawi karas koloutuh, ihto harus ndohop ulun-ulun ijo eam ba'as. Tului ihto harus ingat, ahkan inon ijo Tuhan Yesus bongoi jari nuhtui, ‘Labih sanangmangat nonga, tahkanumba norima.’ ’’

RUMA 15:15

Tahpi tohou hal-hal ijo botatu ahku mopingat ihkam hawui tegas aang surat tuh, tului Pohotala jari nyarah ahkak'ku gawi tuh.

1 KORINTUS 4:17

Ahkan orihrih ahku jari nyuhu Timoteus masap ihkam. Monjadi murid Kristus, io sama kolou anak'ku bongok ijo ahku ngasioh. Io anak'ku ijo duon tomorocaya. Noin io ahkan mopingat ihkam, tohou cara bolum ijo ahku nihtoioh, ulijari porocaya umba Kristus, iorih cara bolum ijo ahku majaroh ang nyinong ukup, ang umoh ka'a.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

2 KORINTUS 6:4

Sobalikoh, a'ang kokaron hal, ihkai ngorinah ijo ihkai anairih jihpon-jihpon Pohotala. Tului, karon mahcam kosusah jari ihkai ngarotoh hawui sabar,

EPESUS 6:21

Tikhikus, konduang ihto, tutang pohalu ijo te'et a'ang gawin Tuhan, ahkan mborihta ahkan'kam, kokaro angihco tohou ahku, mangat ihkam kota'an koada'ak'ku tutang gawik'ku.

PILIPI 2:20

Tihkas Timoteus iou ihco-ihcooh ijo sojiwa umba ahku, tutang tu'u-tu'u niruk kosanang'kam.

PILIPI 2:22

Ihkam bongom ius nohto buktioh ijo Timoteus boguna. Io ius bogawi paham homboh ahku, ahkan mborihta Kabar Hinut tahkan Pohotala. Ihkai duo kolou anak umba amai iou.

PILIPI 3:16

Oluaang hal tuh, hondakoh nohtoani: Ihto harus magun bolum numbun poroturan ijo jari ihto umbaoh, nyiring wayah tuh.

KOLOSE 2:19

nyiring eam hino monambit aang Kristus, ijo monjadi kopala A'ang pinda totiring Kristus sohopus behtiu tonohaga tutang tonohihco bain sahpan-sahpanoh, hawui bolum numbun konohuang Pohotala.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

KOLOSE 4:7

Tikhikus, konduang ihto ijo tonokasih, ahkan momborihta ahkan ihkam karo angco tohou ahku. Io te'et bogawi hombo-homboh ihkai ahkan Tuhan.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TIMOTEUS 1:10

toharep ulun-ulun kihal, bahkas ngoruh bahkas, ponahput, pobula, monjadi saksi-saksi alik, tutang inon iou ijo nguan hal-hal ijo hokolawan umba ajaran ijo morong.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

1 TIMOTEUS 6:3

Ia-iai ngajar ajaran ijo bohkon tahkanmba orih, tutang eam sotuju umba ajaran ijo morong tahkan Tuhan ihto Yesus Kristus, tutang umba ajaran agaman ihto,

2 TIMOTEUS 1:6

Tului orih ahku mingat ihko ahkan mongombolum pononga ijo tononga Pohotala ahkan'mu, ang ohkot ahku ngina longok'ku nokuh ngosan kuhung'mu.

2 TIMOTEUS 3:10

Tahpi ihko jari nutut ajaran-ajaran tahkan ahku, hadat aik'ku, tutang tihtun pombolum'ku, ihko jari nohto bongom, koloukuwoh ahku tu'u-tu'u porocaya umba Yesus Kristus, tutang ngasih sosama kolunon. Ihko ka'a ta'an kosabaran tutang kotabah'ku.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

TITUS 2:1

Tahpi ihko, Titus, hondakrih ihko mongajar, ajaran ijo kona.

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

2 YOHANES 1:9

Ulun ijo eam nambit aang ajaran Kristus, molekan nyapang tahkan inon ijo tonongajaroh bain Kristus, ulun orih eam anaingina Pohotala. Ulun ijo tahtap ang luwang ajaran Kristus, rimai, anaingina, kohinut Pohotala, Amai, oluka Anak.

YUDAS 1:5

Paring orih ihkam jari kota'an. Tahpi ahku jolik mopingat ihkam tohou koloukuwoh Tuhan monyolamat ukup Israel tahkan lowu Misir, tahpi pongohuli morusak ulun-ulun ijo eam porocaya ang marak iro.