1 TIMOTEUS 4:16 - BOWOT BOHUA

¹⁶ Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

1 TIMOTEUS 4:16 ပူးပေါင်းရင်းမြစ်များ

MARKUS 13:9

Ihkam harus ati-ati, bain ihkam ahkan tonawan tutang konuhut nokuh balai bosara. Ihkam ahkan ponohpah ang lohpou-lohpou sombayang. Ihkam ahkan tongomin noharep pongowasa-pongowasa tutang lahca-lahca tului ihkam murid-Ku. Tutang orihrih kosapet bagi'kam, dahpot nonga saksi tohou Ahku ahkan iro.

LUKAS 21:34

‘‘Jagarih arop'kam ara nyiring ihkam dalou kaurderoh umba pesta-pesta tutang minum-ngorih mombusou, ata'ai toturus niruk soal soal pombolum'mu, nyiring ihkam eam botahtap kotihka Ondou orih lombut hawui nyolonga.

KESAH RASUL-RASUL 26:22

Tahpi nyiring uhuntuh ahku tongolindung bain Pohotala, johcok ahku duon tombok ang ohtoi, ahkan nonga kosaksian aik'ku ahkan paring ulun – hajo ata'ai ka koik. Inon ijo ahku nuhtui tuh eam bohkon tahkan inon ijo jari tonujum bain nabi-nabi tutang Museh;

KESAH RASUL-RASUL 6:4

tului ihkai kani bodo'a tutang mborihtaoh auh Pohotala iou.’’

RUMA 11:14

Ahku moharap ahku dahpot polombut hiri ahtoi aang uhtus aik bongok, mangat umba jalan orihrih ahku duon nyolamat ihcokobagi tahkan iro.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 9:22

Ang tohun ulun-ulun ijo koyakinoh eam ba'as, ahku ka nguanang kolou ihcobehti ijo koyakinoh eam ba'as, mangat ahku duon nguhut iro monjadi murid Kristus. Pendekoh, ahku ngonjorian pari-paringoh ahkan paring ulun mangat umba jalan ijo koloukuwoh ka, ka'a ahku duon monyolamat ihcokobagi tahkan iro.

1 KORINTUS 9:27

Ahku nolua behtik'ku bolatih honong karas nyiring ahku dahpot mongowasaoh. Ahku nguan kolouorih rih, tului ahku eam kani nyiring nyolung, ijo jari ahku ngihit ulun bohkon umba a'ang solanja rih, ahku bongok tonulak.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

KOLOSE 4:17

Tutang nyorihta iou ahkan Arkhipus: ‘‘Ngopah karon gawiu ijo tononga ahkan'kam guna mohalu Tuhan.’’

1 TESALONIKA 2:16

Dahanghino iro mohalang-halang ihkai, ahkan mborihta ahkan uhtus-uhtus bohkon Yahudi, borihta ijo dahpot monyolamat uhtus-uhtus orih. Honong kodorih ulun-ulun Yahudi orih, mondahang toturus dusa-dusan iro, nyiring jombalahoh sukup. Tutang huntuh iro kolaiuoh nopahas tulut Pohotala!

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 4:15

Nguaniourih paringoh rih umba tu'u-tu'u mangat komiar'mu tonopahjah bain paring ulun.

1 TIMOTEUS 4:6

Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

2 TIMOTEUS 3:14

Tahpi tohou ihko, Timoteus, hondakrih ihko tohtap nambit aang ajaran-ajaran ijo morong ijo jari tonongajar ahkan'kam tutang ijo ihko porocaya sotuwioh, tului ihko kota'an iai guru-guru'mu.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

TITUS 1:9

Io harus nambit segah aang ajaran ijo dahpot ulun tomorocaya, kolou ijo jari tongajarrih ahkaioh. Honong kodorih io sanggup moningak ulun hogalang ajaran ijo morong, tutang ngorinah kosalan ulun-ulun ijo molawanoh.

TITUS 2:15

Majarohrih iou paringoh tutang ningakoh hawui pingat dolang pongonih ajaran'mu, tutang tuwi pongaroh. A'ai mohonau ihcobehti ka, nopahjah ihko pinda.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

PILEMON 1:19

Nah, piosrih ahku nyurat bongok ang ohtoi: Ahku, Paulus, ahkan molunas paringoh. (Puna eam perulu ahku mingatoh ijo Konduang bongon anaingina utang umba ahku, io rih pombolum'mu ijo bohua kolou ulun Kristen.)

IBRANI 12:15

Bojagarih, ara nyiring anai ihcobehti ka ijo soluka tahkan barih kopios ahtoi Pohotala, mangat ara anai ijo monjadi kolou kombulan bosowui ang tohun-tohun ihkam nyiring polombut kosusah tutang korusak aro ulun bain sowuioh.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

YAKOBUS 5:20

ingat auh ayat tuh: Ulun ijo ngomin ulun bodusa ngulos tahkan jalaioh ijo sala, ulun rih nyolamat homboruan ulun bodusa rih, tahkan popahtoi, tutang kotuluioh aro dusa tonapunoh. Horomat ihkai, Yakobus