1 TIMOTEUS 4:1 - BOWOT BOHUA

¹ Roh Pohotala honong tegas nuhtui, ijo ang ohkot-ohkot ijo ahkan lombut, 'cokobagi ulun ahkan murtad, ngobele Kristus. Iro ahkan ponumbun umba roh-roh ijo monyosat tutang nutut ajaran-ajaran roh ja'at,

1 TIMOTEUS 4:1 ပူးပေါင်းရင်းမြစ်များ

MATEUS 18:7

Eam inon colahkaoh kolunon tuh tului hal-hal ijo kotuluioh ulun bodusa. Puna hal-hal kolouorih ahkan hototurus anai, tahpi colahkaoh ulun ijo ngotuluirihoh!

LUKAS 17:1

Yesus nuhtui umba murid-murid-Oh, ‘‘Hal-hal ijo kotuluioh ulun nguan dusa musti ahkan anai. Tahpi colahkarih ulun ijo kotuluioh ulun nguan dusa!

YOHANES 16:13

Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

KESAH RASUL-RASUL 13:2

Kotihka iro rahat sombayang ahkan Tuhan tutang puasa, Roh Pohotala nuhtui umba iro, ‘‘Ngopili Barnabas doro Saulus, mbarih ahkak-Ku, mangat iro nguan gawi ijo jari Ahku nuhkasoh ahkan iro.’’

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 20:23

Ahku tihkas ngota'an, ijo ang nyino-nyinong lowu, Roh Pohotala jari tarang monyorihta ahkak'ku, ijo ahku ahkan nyolong sipir tutang ahkan ngarot.

KESAH RASUL-RASUL 21:11

Io lombut nokuh ihkai, turus ngomin pohtong kahang Paulus. Umba potong kahang rih, io mohtong pa'ai tutang longoi bongoi hawui nuhtui, ‘‘Tuhrih ijo tonuhtui bain Roh Pohotala: Tepun pohtong kahang tuh, ahkan ponohtong koloutuh ang Yerusalem, bain ulun-ulun Yahudi, tutang tonosarah ahkan ulun-ulun bohkon Yahudi.’’

KESAH RASUL-RASUL 28:25

Honong tiruk ijo hokolawan, iro nohtah unuk rih, uliius Paulus nuhtui ijo pongo tuh, umba iro, ‘‘Puna kona samasino, inon ijo tonuhtui bain Roh Pohotala nguha Nabi Yesaya ahkan tahtu ajuh ihkam!

1 KORINTUS 10:20

Inon ijo tonosorah ang unuk porahpah ahkan songiangdewa, eam tonyorah ahkan Pohotala, molekan ahkan roh-roh ja'at. Tutang ahku eam kani ihkam hihco umba roh ja'at rih.

1 KORINTUS 11:19

Puna jari kopahtutoh lombut kopisah ang louk ihkam, mangat gihtan noin ia-iai ulun Kristen ijo sojahti.

1 KORINTUS 12:11

Paringoh rih, konuan bain kowasan Roh ijo ihco rih ka'a; nyino-nyinong ulun tononga pononga ijo kobongoi, numbun konohuang Roh rih bongoi.

1 KORINTUS 2:10

Tahpi Pohotala jari ngorinahoh ahkan ihto hawui nguha Roh-Oh. Roh Pohotala moriksa dolang hal'co, nyiring umba dolang rancana Pohotala ijo paling bosuhuk samasino ka.

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

2 TIMOTEUS 4:4

Iro ahkan mangop tolingai toharep ijo morong, tahpi ahkan nguap tolingaioh toharep solihta-solihta kolimoi.

YAKOBUS 3:15

Kopihtaran mahcam orih eam asar tahkan soruga. Io asar tahkan kolunon, tahkan kojolik ulun tutang tahkan sehtan!

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

2 PETRUS 2:1

Ang ohkot ijo tokalou, ang louk ukup Pohotala, jari lombut nabi-nabi polasu. Kolourih ka'a ang marak ihkam, ahkan lombut guru-guru polasu. Iro ahkan moposolong ajaran-ajaran ijo eam tu'u, ijo morusak ulun. Tutang iro ahkan ngorana Pongowasa ijo jari moliwus iro. Honong kolourih, iro mopolombut korusak ngosan aropoh bongoi, ijo ahkan nopahas iro hawui jion.

2 PETRUS 3:3

Sula-sulakoh ihkam harus ngota'an, ijo aang ondou-ondou laiu, ahkan lombut ulun-ulun ijo pombolumoh konowasa bain kojolik bolai iro bongoi. Iro ahkan hololea ihkam

1 YOHANES 2:18

Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.

1 YOHANES 4:6

Tahpi ihto anairih anak-anak Pohotala; tutang ulun ijo kosono Pohotala ngonih auh ihto. Ulun ijo bohkon ain Pohotala, io eam ngonih auh ihto. Kolourihrih caraoh ihto ngota'an kobohkon holang Roh ijo nonga ajar ijo morong, tutang roh ijo monyosat.

YUDAS 1:18

Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 18:2

Umba auh ijo hajo, io na'ah, ‘‘Jari bolinangoh! Babel hajo jari bolinang! Huntuh io monjadi unuk sehtan-sehtan tutang roh-roh ja'at. Ang luwangoh bolum mahca-mahcam bulung ijo pali tutang ijo kobele ulun.

PONGORINAH 18:23

Ulun eam ahkan nohto hino koloang sumbu ang luwangoh; tutang eam ahkan hino konahan korami pesta pongawin ang anan. Podagang-podagang'mu anairih ulun-ulun ijo paham bosewut ang tana, tutang honong ilmu-ilmu gaib'mu, ihko mobalik kokaro uhtus ang kolunon!’’

PONGORINAH 19:20

Mahka ohcin rih, totawan homboh umba nabi alik ijo jari nguan tandahelan-tandahelan ang toharep ohcin rih. (Umba tandahelan-tandahelan orihrih ohcin rih, mobalik ulun-ulun ijo anai tanda ohcin rih, tutang ulun-ulun ijo nyembah kopahtung ohcin rih.) Turus ohcin rih tutang nabi alik rih ndian bolu-bolum nokuh tohun tasik baho ijo ngonjelak umba sondawa.

PONGORINAH 2:11

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, samasino eam ahkan ngarot ino-inon bain popahtoi ijo ambal duo.’’

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’

PONGORINAH 2:29

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup!’’

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.

PONGORINAH 20:8

tutang io ahkan tulak ngobalik uhtus-uhtus ijo bororawuh ang sohopus kolunon, yorih Gog tutang Magog. Sehtan muhpung iro ahkan kolahi, angihco jumbalah ijo hajo samasino, sokaro baras angsaran tasik.

PONGORINAH 3:13

Ia-iai dahpot ngonih, hondakrih io nohtoani inon ijo tonuhtui bain Roh Pohotala ahkan ukup-ukup!’’

PONGORINAH 3:22

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup!’’

PONGORINAH 3:6

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup!’’

PONGORINAH 9:20

Tahpi putan ukup kolunon ijo eam tomunu bain porusak-porusak rih ka, eam hino nohtah gawin longon iro bongoi. Iro eam tondo nyembah roh-roh ja'at tutang dewa-dewa bulou, perak, tombaga, bahtu tutang kahju ijo eam dahpot nohto ata'ai ngonih, ata'ai ka nyalan.