1 TIMOTEUS 3:6 - BOWOT BOHUA

⁶ Ihcobehti pohalu ukup, eam tou ulun ijo bohua iou monjadi Kristen, tului noin io monjadi bojuhu, turus tonulut kolou Sehtan lomoi.

1 TIMOTEUS 3:6 ပူးပေါင်းရင်းမြစ်များ

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

1 KORINTUS 3:1

Konduang-konduang! Kotu'uioh ahku eam duon bopander umba konduang, kolou umba ulun ijo tepun Roh Pohotala. Ahku tihkas duon bopander umba ihkam, kolou umba ulun ijo magun bolum numbun kojolik kolunon; kolou umba ulun ijo magun ngoa aang koporocayaoh umba Kristus.

1 KORINTUS 8:1

Uhuntuh tohou ukun ijo jari tonyorah kolou pononga ahkan Songiangdewa. Puna morong kolou hion ulun ‘‘Ihto paringoh uras ahpik.’’ Tahpi koahpik napa ulun monjadi bojuhu, rahatoh kasih mangun pribadi ulun.

2 KORINTUS 12:7

Tahpi mangat ahku a'ai dalou bojuhu, tului topahjah-topahjah ijo luar biasa rih, ahku tononga kolou ihco ponyahkit aang behtik'ku ijo kolou pokahkas Sehtan. Ponyahkit rih tononga ahkan mahcat ahku mangat ahku eam monjadi bojuhu.

1 TIMOTEUS 3:7

Io harusrih ulun ijo anai aran pios a'ang ulunaro, bain amat eam kodorih, mahka io ahkan tonohina ulun, nyiring ngonyahtu nokuh pinda sokohtung Sehtan.

1 TIMOTEUS 6:4

anairih ulun ijo bojuhu, tutang eam kota'an ino-inon! Ponyahkitoh iorih jolik bodebat tutang hojawab, tohou istilah-istilah nyiring mopolombut hiri ahtoi, kopusitoh, pitnah, hokobohu ijo eam pios,

2 TIMOTEUS 3:4

Iro rajin dorhaka, bojuhu ahtoi, tutang eam moniruk ombu. Iro labih rajin aang kosanang kolunon tahkanumba numbun Pohotala.

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

1 PETRUS 5:5

Kodorih ka'a Konduang, ulun-ulun biou. Tunduk ahkan ulun-ulun ijo oko. Konduang paringoh harus ngominda arop, tutang saling mohalu honong randah ahtoi. Kotului luwang Surat Borasih tonyurat koloutuh, ‘‘Pohotala noharep ulun ijo bojuhu, tahpi kasih umba ulun ijo randah ahtoi.’’

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.