1 TIMOTEUS 3:2 - BOWOT BOHUA

² Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 3:2 ပူးပေါင်းရင်းမြစ်များ

LUKAS 1:6

Pombolum lohpouawu orih rih ngojorih ahtoi Pohotala. Koduooh bokehtep umba paring poretah tutang Hukum Tuhan umba ko opah ahtoi'ndo.

LUKAS 2:36

Anai hino ihcobehti nabi bawi ijo jari oko samasino. Araioh Hana, anak Panuel, tahkan lihit Asyer. Uliumba pihtu toun kawin,

RUMA 12:13

Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

1 TIMOTEUS 3:12

Pondohop ukup harus ngina tihkas ihcobehti iou oruhoh, io harus ta'an majar anak-anakoh tutang lohpou awuoh honong pios.

1 TIMOTEUS 3:8

Pondohop ang ukup harusrih ka'a ulun ijo pios tutang tulus; eam mahta duitan tutang eam jolik ngorih paham aro tuak.

1 TIMOTEUS 4:3

Iro majar ulun ahkan eam kawin tutang eam kuman ukun ijo botatu. Podahal ukun rih tona'oi Pohotala, ahkan tonukun umba ngohawot torimakasih ahkan-Oh, bain ulun-ulun ijo jari porocaya umba Kristus, tutang jari kosono ajaran ijo morong tahkan Pohotala.

1 TIMOTEUS 5:10

bosewut kolou ulunbawi ijo nguan hal-hal ijo pios, kolou misaroh; jari pohajo anak-anakoh honong pios, sanang norima bohkonuhtus nginap ang lohpouoh, mohalu ulun-ulun porocaya, mondohop ulun-ulun ijo susah, tutang nguan rih hawui tu'u-tu'u, kokaro mahcam gawi ijo pios.

1 TIMOTEUS 5:22

Ara dalou join ngina longo ngosan ihcobehti ulun, guna nahtap ponuotoh kolou pohalu Tuhan. Amat ulun bohkon bodusa, ara umba taput a'ang dusa orih. Jaga arop'mu mangat tahtap borasih.

1 TIMOTEUS 5:9

Tihkas balu ijo sorurui syarat-syarat pongo tuh tou posolong koluwang daptar balu-balu; umuroh patut eam kurang tahkan onom pulu toun, houn tihkas sinotikat kawin,

2 TIMOTEUS 2:24

Ulun ijo bogawi ahkan Tuhan eam pahtut hojawab, io harus bojenta toharep paring ulun, tutang dahpot majar ulun honong pios tutang sabar.

TITUS 2:2

Ningakrih ulun-ulun bahkas ijo ohko, mangat iro nahan aropoh, bijaksana tutang bolum kolou ulun ijo pahtut tonohoromat. Iro harus ka'a nambit aang ajaran ijo morong tahkan Pohotala, mongasih honong soporuna, tutang ngarot honong tabah.

IBRANI 13:2

Ara mihkoh norima ang lohpou'mu ulun-ulun ijo jaha ihkam kosono. Tului honong nguan ijo kolourih, pu'u ulun, earo ngorondongoh, jari norima molehkat ang lohpouoh.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 4:9

Hondakrih, ihkam norima ihco umba ijobohkon, ang lohpou nyinong-nyinong eam bokuhtuk.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.