1 TIMOTEUS 3:16 - BOWOT BOHUA

¹⁶ Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 TIMOTEUS 3:16 ပူးပေါင်းရင်းမြစ်များ

MATEUS 1:23

“Ihcobehti dala ahkan botohi tutang nganak ihcobehti anak bahkas. Anak orih ahkan konohawot Imanuel.” (Imanuel orih basa Ibrani ijo rimai, “Pohotala anai hihco ihto”.)

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 28:2

Songela nyolung tana moruguh ijo monyangit. Ihcobehti molehkat Tuhan nosuluh tahkan soruga turus molinang bahtu atop lowong tanom orih hawoi tuot ang ngosanoh.

MATEUS 3:16

Uli tonopondus, Yesus jeleng soluka tahkan danum ang Sungoi rih. Songela langit bokuap tutang Yesus nohto Roh Pohotala nosuluh kolou bulung dala nokuh ngosan kuhung-Oh.

MATEUS 4:11

Kojoriaioh sehtan nohtah Yesus, tutang molehkat-molehkat ka lombut mohalu Yesus.

MARKUS 1:13

Ohpat pulu ondou Io anai ang anan, Io tonihkos bain Sehtan. Ohcin-ohcin boliar anai ka'a sama-sama umba Io ang anan, tutang molehkat-molehkat mahalu Io.

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

MARKUS 16:5

Turus iro nyolong koluwang tanom rih. Ang luwangoh, sila kotou, iro nohto ihcobehti ulunbiou ijo hapan jubah puhti rahat tuot tutang iro tokohcit.

LUKAS 2:32

kolouoh koloang, ijo mopoloang jalan, bagi uhtus-uhtus ijo bokon, ahkan lombut nokuh-Mu; iorih koloang ijo polombut horomat ahkan ukup-Mu Israel.’’

LUKAS 20:44

Jadi amat Dawid ngohawot Lahca Ponyolamat rih ‘Tuhan’ koloukuwoh tou Io lihit Dawid?’’

LUKAS 22:43

Ihcobehti molehkat lombut nokuh Io tutang ngoba'as-Oh.

LUKAS 24:4

Pondehan iro tombok ang anan tutang torongo-rongong niruk hal rih, songela duo behti honong pokahjan puhti tombok doni iro.

LUKAS 24:51

Pondehan Io nguan orih rih, Io hogahtang nokuh soruga, turus hopisah tahkan iro.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 16:28

Puna Ahku asaroh tahkan Amai, tutang jari lombut nokuh luwang kolunon. Tahpi huntuh Ahku nohtahoh kolunon ahkan buli nokuh Amai.’’

YOHANES 17:5

Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.

YOHANES 20:12

turus nohto duo molehkat hopokajan puhti. Iro rih tuot ang lohkun unuk otun Yesus, ijo ihco ang hila kuhung-Oh, tutang ijo bohkonoh ang hila pa'ai.

YOHANES 6:62

Koloukuwoh kojoriaioh noin amat ihkam nohto Anak Ulun nuhkat huli nokuh unuk-Oh ijo asar?

KESAH RASUL-RASUL 1:19

Paring ulun ijo mohcon ang Yerusalem, kota'an tohou hal orih. Orih kotuluioh a'ang basa iro, iro ngohawot tana rih Akeldama, ijo rimai ‘Tana Daha’.)

KESAH RASUL-RASUL 10:34

Turus Petrus hopander, ‘‘Uhuntuh ahku tu'u-tu'u borondong ijo Pohotala eam mihtihkolou paring ulun.

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

RUMA 10:12

Orih nyolung toharep paring ulun, kotului eam aro bedaoh holat ulun Yahudi umba ulun-ulun uhtus bohkon. Pohotala ijo ihco orih anairih Tuhan ahkan paring ulun. Io nonga borehkat ijo molowi-lowi ahkan paring ulun ijo nyawot dohop umba Io.

RUMA 10:18

Tahpi ahku ngisok: Kuwoh puna iro jaha ngonih borihta rih? Musti jari! Tului luwang Surat Borasih tonyurat koloutuh, ‘‘Auh iro jari ngua-nguak ang sohapus kolunon, tuhtui-tuhtui'ndo jari johcok nokuh topahkan kolunon.’’

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 3:4

Puna eam! Tului tarangrih Pohotala toturus morong, oluka nyinong ulun ngobalik. Luwang Surat Borasih, tonyurat, ‘‘Konohuang-Oh ihko bobukti morong a'ang inon ijo ihko ngohawotoh tutang ihko manang aang ohkot ihko ponosara.’’

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

RUMA 9:5

Iro anairih lihit tahkan tahtu ajuh ihto. Kristus socara kolunon asaroh tahkan uhtus iro rih. Io labih isun tahkan paringoh. Tonotararih ahkan Pohotala nyiring turus-jahamoh. Amen.

1 KORINTUS 15:47

Adam ijo pahtukoh tonapa tahkan tana, tahpi Adam ijo koduo asaroh tahkan soruga.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

2 KORINTUS 1:19

Kotului Yesus Kristus, Anak Pohotala, ijo tomborihta ahkan'kam bain Silas, Timoteus tutang bain ahku bongok, bohkon ulun ‘‘Yo’’ tutang ‘‘Eam’’. Sobalikoh Io monjadi puhtah ‘‘Yo’’, tahkan Pohotala.

GALATIA 2:8

Kotului Pohotala nonga ahkan Petrus koulih ahkan monjadi rasul ulun Yahudi, nongarih ka'a ahkak'ku koulih ahkan monjadi rasul ulun bohkon Yahudi.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

2 TESALONIKA 1:10

paringohrih ahkan nyolung ang ondou Io lombut noin ahkan tongohajo bain ukup-Oh, tutang ahkan tonohoromat bain paring ulun ijo porocaya. Ihkam ka ahkan anai ang louk ukup ain Pohotala rih, kotului ihkam jari porocaya umba kabar ijo ihkai ngitotoh ahkan'kam.

2 TESALONIKA 2:7

Koba'as ijo monggawi koja'at orih jari nopara bogawi, cara bosuhu-suhuk, tahpi magun tonaha-nahan. Noin amat ijo monahanoh orih jari tonosaro,

1 TIMOTEUS 3:9

Iro harus nambit ba'a-ba'as umba ahtoi homboruan ijo borasih aang ajar koporocayaan Kristen, ijo jari tongorinah bain Pohotala.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 7:7

Puna eam tou tonolawan ijo ulun ijo tomorehkatoh, monjadi ulun ijo labih randah tahkanumba Io ijo mborehkatoh.

IBRANI 8:1

Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

1 YOHANES 1:2

Kotihka pombolum rih tongorinahoh, ihkai nohtooh. Orihrih kobaiuoh ihkai nonga kosaksian tohou Io. Ihkai mborihta ahkan ihkam tohou pombolum ijo sojati tutang kototahiu, ijo anai hihco Amai tutang ijo jari ngorinah ahkan ihkai.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

PONGORINAH 17:5

Aang likouoh tonyurat ihco aran, ijo anai rimai ijo bosuhuk. Aran rih iorih, ‘‘Babel Ijo hajo, inai paring sundal tutang ulun bijat ang kolunon.’’

PONGORINAH 17:7

Turus molehkat rih nuhtui umba ahku, ‘‘Inon kotului ihko helan? Pios ahku nyorihta ahkan'mu ijo rahasia tohou ulunbawi rih tutang ijo rahasia tohou ohcin ijo tonunggangoh rih, iorih ohcin ijo ngina pihtu kuhung tutang sopulu tandukoh.

PONGORINAH 7:9

Uliorih ahku nohto hino, turus gihtan tuyuk kolunon ijo holuhcak karoioh – eam anai ihcobehti ka ijo dahpot ngise jombalahoh. Iro anairih ulun-ulun tahkan nyinong uhtus, suku, nogara tutang basa. Umba hopokajan jubah ijo puhti-puhti, tutang hawui nambit da'an daun korma ang longoi, noharep pododusan tutang noharep Anak Tobiri rih.