1 TIMOTEUS 2:7 - BOWOT BOHUA

⁷ Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

1 TIMOTEUS 2:7 ပူးပေါင်းရင်းမြစ်များ

YOHANES 7:35

Turus dolang pongowasa Yahudi hoponuhtui sama aropoh, ‘‘Ulun tuh tulak nokuh amoh, nyiring ihto eam dahpot nyombang Io? Inonrih Io kani tulak ahkan ulun-ulun Yahudi ijo mohcon ang tana bohkon louk uhtus yonani, tutang majar ulun Yunani?

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 22:21

Tahpi Tuhan nuhtui hino umba ahku, ‘Tulakrih iou, tului Ahku ahkan nyuhu ihko tulak nokuh unuk ijo mahcu ahkan ulun-ulun bohkon uhtus Yahudi.’ ’’

KESAH RASUL-RASUL 26:20

Honong torus-tarang ahku mborihta ahkan ulun-ulun ijo iro harus hubah tahkan dusa-dusan iro tutang nyarah aropoh ahkan Pohotala, honong ngorinah aang pombolum iro, ijo iro jari hubah tahkan dusa-dusan iro. Ahku mborihta hal orih, pahtukoh ang Damaskus, pongohino ang Yerusalem tutang ang sohopus Yudea tutang louk ulun ijo bohkon Yahudi.

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:9

Ahku toturus mingat ihkam amat ahku bodo'a. Pohotala nyaksioh, ijo inon ijo ahku nuhtui rih morong. Iorih Pohotala ijo ahku mohaluoh ang kotuwi ahtoi, hawui mborihta Kabar Hinut tohou Anak-Oh.

RUMA 10:14

Tahpi koloukuwohoh ulun ijo na'ah umba Tuhan amat iro jaha porocaya? Tutang koloukuwohoh iro duon porocaya umba Tuhan, amat iro jaha ngonih tohou Io? Ka'a, koloukuwohoh iro duon ngonih tohou Tuhan, amat eam aro ijo mborihtaoh?

RUMA 11:13

Tahpi huntuh piosrih ahku bopander umba Konduang-konduang ijo bohkon uhtus Yahudi! Kotahin tuh, kolou rasul ahkan uhtus-uhtus ijo bohkon Yahudi, ahku paham ngahtang isung tugas'ku.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 9:1

Inon ijo ahkan ahku nuhtuioh tuh, anairih morong, tului ahku ain Kristus. Ahku eam bobula. Ahtoi bua'ku ijo toniting bain Roh Pohotala, moyahkin ahku ka'a, ijo tuhtui'ku rih morong.

1 KORINTUS 9:1

Eamkah ahku ulun morodehka? Eamleh ahku tuh rasul? Kuwoh ahku jaha pu'u nohto Yesus, Tuhan ihto? Kuwoh ihkam eam bua gawik'ku ahkan Tuhan?

2 KORINTUS 11:31

Pohotala, Amai tahkan Tuhan Yesus kota'an, ijo ahku eam bobalik. Tonotara Arai-Oh turus-jahamoh.

GALATIA 1:16

Pohotala ngorinah Anak-Oh ahkak'ku, mangat Kabar Hinut tohou Anak-Oh dahpot ahku mborihtaoh ahkan ulun-ulun bohkon Yahudi. A'ang ohkot rih, ahku eam tulak ahkan ihcobehti ka ahkan nyawot nasehat.

GALATIA 1:20

Inon ijo ahku nyurat tuh puna morong. Pohotala ta'an ijo ahku eam bobalik!

GALATIA 2:16

Oluka kodorih ihkai ta'an, ijo ulun hokopios hoduli umba Pohotala, baya tului porocaya umba Yesus Kristus tutang eam tului molalus hadat agama. Ihkai bongon ka, porocaya umba Yesus Kristus, mangat ihkai hokopios umba Pohotala nguha koporocayan 'kai rih, eam kotului ihkai molalus hadat agama. Tului umba molalus hukum agama, eam ihcobehti ka duon hokopios hoduli umba Pohotala.

GALATIA 2:9

Yakobus, Petrus tutang Yohanes ijo gihtanoh ijo monjadi okon-okon ukup, mongahku ijo Pohotala jari nonga ahkak'ku tugas khusus tuh. Mahka iro hojuluk longo umba Barnabas tutang ahku, kolou tanda bosohabat. Turus iro tutang ihkai sotuju, ijo ihkai ahkan bogawi ang holat uhtus-uhtus ijo bohkon Yahudi, tutang iro ang tohun ulun Yahudi.

GALATIA 3:9

Abraham porocaya mahka io tomborehkat. Kodorih ka'a paring ulun ijo porocaya ahkan tomborehkat hombo-homboh Abraham.

2 TIMOTEUS 1:11

Ahkan mborihta Kabar Hinut orihrih Pohotala nyuhu ahku monjadi rasul tutang guru.

2 PETRUS 2:5

Kolourih hino umba kolunon jaman ijo lomoi. Pohotala eam mohonau liwus tahkan hukum. Pohotala ngirim danumsuhu hajo nokuh kolunon, ulun-ulun ijo ja'at ang ohkot rih. Tihkas Noah homboh umba pihtu behti bohkonoh iou, ijo tonyolamatoh, Tului Noah monyiar kabar tohou pombolum ijo ngojorih ahtoi Pohotala.