1 TIMOTEUS 2:6 - BOWOT BOHUA

⁶ Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

1 TIMOTEUS 2:6 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MARKUS 1:15

Hioi-Oh, ‘‘Pohotala ahkan jeleng moretah. Hubah ihkam tahkan dusa-dusan'kam, tutang porocayarih umba auh Kabar Hinut ijo tahkan Pohotala!’’

MARKUS 10:45

Tului Anak Ulun ka eam lombut ahkan tonohalu, Io lombut ahkan mohalu tutang ahkan nyorah hasong-Oh ahkan momorodehka aro ulun.’’

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 5:6

Kotihka ihto a'ang koada'an eam aro daya, Kristus mahtoi ahkan ihto aang ohkot ijo kona, ijo tonuhkas bain Pohotala; podahal ihto ulun-ulun, ijo ngomahcuarop tahkan Pohotala.

1 KORINTUS 1:6

Orih nunjuk ijo borihta tohou Kristus jari kodorih nyalut nokuh luwang ahtoi'kam,

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

2 TESALONIKA 1:10

paringohrih ahkan nyolung ang ondou Io lombut noin ahkan tongohajo bain ukup-Oh, tutang ahkan tonohoromat bain paring ulun ijo porocaya. Ihkam ka ahkan anai ang louk ukup ain Pohotala rih, kotului ihkam jari porocaya umba kabar ijo ihkai ngitotoh ahkan'kam.

1 TIMOTEUS 6:15

Polombut-Oh ahkan tonuhkas ang ohkot ijo metuk bain Pohotala bongoi. Io rih Pongowasa ihco-ihcooh; Io hajo, Lahca karon lahca, tutang Tuhan karon tuan.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

TITUS 1:3

Ang ohkot ijo kona, Pohotala ngorinah bowot-Oh rih a'ang pohtoh-Oh. Pohtoh orih jari tomorocaya ahkak'ku, tutang ahku mborihtaoh bain poretah Pohotala Ponyolamat ihto.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 9:12

Kristus nyolong Ruang Palingborasih ang luwang kemah rih tihkas sino iou turus-jahamoh. Ang ohkot rih Io eam ngomin dahan kambing dalung ata'ai dahan anak sahpi ahkan tonosorahoh; Io ngomin daha Aiu bongoi, tutang umba orih Io momorodehka ihto ahkan turus-jahamoh.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.