1 TIMOTEUS 2:5 - BOWOT BOHUA

⁵ Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.

1 TIMOTEUS 2:5 ပူးပေါင်းရင်းမြစ်များ

MATEUS 1:1

'Jituh jereh tahtu ajuh Yesus Kristus, lihit Dawid lihit Abraham. Tahkan Abraham nyiring Dawid, karon-aran tahtu ajuh Yesus kolou pongotuh.

MATEUS 1:23

“Ihcobehti dala ahkan botohi tutang nganak ihcobehti anak bahkas. Anak orih ahkan konohawot Imanuel.” (Imanuel orih basa Ibrani ijo rimai, “Pohotala anai hihco ihto”.)

LUKAS 14:22

Pongohino jihpon rih nuhtui, ‘Tuan, poretah tuan jari ihkainguai, tahpi unuk magun aro.’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

RUMA 1:3

Kabar Hinut rih tohou Anak Pohotala, Tuhan ihto Yesus Kristus. Socara kolunon Io anairih lihit Dawid,

RUMA 10:12

Orih nyolung toharep paring ulun, kotului eam aro bedaoh holat ulun Yahudi umba ulun-ulun uhtus bohkon. Pohotala ijo ihco orih anairih Tuhan ahkan paring ulun. Io nonga borehkat ijo molowi-lowi ahkan paring ulun ijo nyawot dohop umba Io.

1 KORINTUS 8:4

Tohou soal kuman ukun ijo jari tonyorah ahkan songiangdewa ihto ngota'an ijo songiang, gambar angihco ijo kotu'uioh, eam aro. Tutang ihto ngota'an ka'a ijo Pohotala tihkas ihco, eam aro ihco bohkon.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

GALATIA 3:20

Nah, harus anai duo pihak, punai porulu ihcobehti poholat. Tahpi Pohotala eam porulu poholat, tului Io bongoi ijo ngatuhoh.

EPESUS 4:6

tutang ihco Pohotala ijo monjadi Amai paring ulun. Iorih Tuhan ang-pinda langit, ijo bogawi nguha paringoh, tutang bokowasa ang luwang paringoh.

1 TIMOTEUS 6:13

Tutang huntuh, ang toharep Pohotala ijo nonga hasong ahkan karo ang'co, tutang ang toharep Kristus Yesus, ijo nonga kosaksian ijo morong ahkan Pontius Pilatus, ahku nyawot tuh tahkanaang ihko.

IBRANI 12:24

Ihkam lombut noharep Yesus, Poholat ahkan bowot ijo bohua rih; ihkam noharep daha ponalit, ijo monjamin hal-hal ijo labih hinut, tahkanumba ijo tojamin bain dahan Abel.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

IBRANI 8:6

Tahpi huntuh Yesus dahpot tugas imam ijo mahcu labih horomat tahkanumba ijo konuan bain imam-imam rih. Kotului bowot ijo tonapa-Oh holat Pohotala tutang kolunon, anairih bowot ijo labih pios kotului hogalang bowot ahkan hal-hal ijo labih pios.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

1 YOHANES 2:1

Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

PONGORINAH 1:13

Ang tohun-tohun owuh-owuh sumbu rih tombok ihcobehti ijo topahjah kolou kolunon. Io hapa jubah ijo ombuoh nyiring ang pa'aioh. Ang husuk-Oh Io hapa ponuhtuphusuk tahkan bulau.