1 TIMOTEUS 1:5 - BOWOT BOHUA

⁵ Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 TIMOTEUS 1:5 ပူးပေါင်းရင်းမြစ်များ

MATEUS 12:35

Ulun ijo pios ngohawot hal-hal ijo hinut, tului io tuwi umba kohinut. Sobalikoh, ulun ijo ja'at ngohawot hal-hal ijo ja'at, tului io tuwi umba koja'at.

MATEUS 5:8

Kosanangsolamat ahkan ulun ijo borasih ahtoioh; iro ahkan kosono Pohotala.

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

KESAH RASUL-RASUL 23:1

Paulus notuneng okon-okon majelis rih, turus io nuhtui, ‘‘Konduang-konduang'ku! Nyiring ang ondou tuh, ahku eam komo bosala umba Pohotala, ang luwang ahtoi bua'ku, tohou pombolum'ku.’’

KESAH RASUL-RASUL 24:16

Orih kotuluioh, ahku toturus ngurahjalan ijo somoro-morongoh, mangat ahtoi bua aik'ku borasih, tohimo Pohotala tutang borasih toharep kolunon.

RUMA 10:4

Hukum agama ius pononggenap bain Kristus. Jadi nyinong ulun ijo porocaya umba Kristus, kohihcooh umba Pohotala monjadi pios hoduli.

RUMA 12:9

Ngasi honong ihlas. Bosingi umba ijo ja'at, tutang nambitoh ahkan inon ijo pios.

RUMA 14:15

Tahpi amat umba inon ijo Konduang kumai, mahka ihcobehti konduang sokoporocaya tongoporos ahtoioh, mahka Konduang eam hino molalus hogalangoh kasih. Amat Kristus jari mahtoi ahkan ihcobehti, ararih mohanouoh ulun rih rusak bain inon ijo Konduang kumai.

RUMA 9:1

Inon ijo ahkan ahku nuhtuioh tuh, anairih morong, tului ahku ain Kristus. Ahku eam bobula. Ahtoi bua'ku ijo toniting bain Roh Pohotala, moyahkin ahku ka'a, ijo tuhtui'ku rih morong.

1 KORINTUS 13:1

Oluka ahku dahpot bopander umba bomahcam basan kolunon, nyiring umba basa karon-molehkat samasino ka, tahpi ahku earo mongasih ulun bohkon, mahka pander-pander'ku orih baya auh ijo muhing earo rimai.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

1 TIMOTEUS 1:18

Timoteus anak'ku! Gawik'ku tuh, ahku morocayaoh umba'kam mongingat ahkan pohtoh Pohotala ijo tonuhtui bain nabi-nabi aang ukup tohou arop'kam. Kohondakrih pohtoh rih monjadi bohahti bagi'kam, a'ang kolahi ijo hinut.

1 TIMOTEUS 1:19

Hokolahi sambil nambit aang koporocaya ijo morong tutang umba ahtoi bua ijo borasih. Anai ulun-ulun ijo eam poduli ahkan auh ahtoi buaoh, nyiring lonyuh koporocayaan iro.

1 TIMOTEUS 3:9

Iro harus nambit ba'a-ba'as umba ahtoi homboruan ijo borasih aang ajar koporocayaan Kristen, ijo jari tongorinah bain Pohotala.

2 TIMOTEUS 1:3

Ahku ngohawot torimakasih ahkan Pohotala, ijo ahku mohaluoh umba ahtoi-bua ijo borasih, kolou ijo konuan tahtu ajuh'ku ijo lomoi. Ahku toturus ngohawot torimakasih ahkan Pohotala, nyinong tikat ahku mingat ihko ang do'a, pios hondou kanika ngolomi.

2 TIMOTEUS 1:5

Ahku ingat ahkan koporocayaan'mu ijo tu'u-tu'u umba Kristus, sama kolou koporocayaan ajuh'mu Luis tutang inai'mu Eunike. Tutang ahku yahkin ihko ka porocaya kolou orih.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

TITUS 1:15

Kokaron ang'co, anairih borasih ahkan ulun-ulun ijo borasih. Tahpi bagi ulun-ulun ijo tirukoh ja'at tutang ijo eam porocaya, eam anai ang'co ka ijo borasih, tului tiruk tutang ahtoi-bua iro jari ja'at!

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 13:18

Toturus iou bodo'a ahkan ihkai. Ihkai yakin ahtoi bua ihkai brasih, kotului aang karo hal ihkai turus kani nguan inon ijo morong.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 3:16

Tahpi nguanohrih honong bolomu luwah tutang horomat. Tutang hondakrih ahtoi bua'mu borasih, mangat amat ihkam tonopitnah, kotului ihkam bolum hawui hinut kolou murid Kristus, mahka ulun ijo mopitnah rih ahkan monjadi mia bongoi.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 PETRUS 4:8

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:10

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.