1 TIMOTEUS 1:3 - BOWOT BOHUA

³ Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 1:3 ပူးပေါင်းရင်းမြစ်များ

KESAH RASUL-RASUL 18:19

Kotihka johcok ang Epesus, Paulus nohtahoh Priskila doro Akwila, turus nyolong lohpou sombayang tutang hokurah-tiruk umba ulun-ulun Yahudi ang anan.

KESAH RASUL-RASUL 18:21

Oluka kodorih, ang ohkot Paulus hihkas, io nuhtui, ‘‘Amat Pohotala ijo ngahtuhoh, ahku ahkan hoduli hino nokuh ohtoi.’’ Uliumba nuhtui kodorih, io hihkas tahkan Epesus.

RUMA 15:26

Tului ukup-ukup ang Makedonia tutang Akhaya jari sotuju ahkan nonga pononga ahkan konduang-konduang ijo porosbolum ang louk ukup Pohotala ang Yerusalem.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

2 KORINTUS 11:4

Kotului kolouoh ihkam sanang iou, norima ulun ijo lombut ahkan'kam, tutang majar tohou Yesus ijo bohkon – eam Yesus ijo ihkai pokosonooh ahkan'kam. Tutang ihkam kani ka'a nyambut roh tutang ‘‘Kabar Hinut’’ ijo samasino hokobohkon umba Roh Pohotala tutang Kabar Hinut ijo pu'u ihkam norimaoh tahkan ihkai.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

PILIPI 2:24

Ahku porocaya ijo umba pondohop Tuhan, ahku bongok ka eam tahi hino ahkan masap ihkam ka'a.

1 TIMOTEUS 4:11

Majarohrih paringoh rih, tutang nyuhu ulun-ulun numbunoh.

1 TIMOTEUS 4:6

Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

1 TIMOTEUS 5:7

Nyapairih potunjuk-potunjuk tuh ahkan iro, mangat iro bolum earo kosalai.

1 TIMOTEUS 6:10

Kotului tahkan kasih umba duit, lombut karo mahcam koja'at. Anai 'cobagian ulun ijo hodulu duit nyiring jari eam numbun hino ajaran Kristen, turus iro tonopahas aro kokarot ijo molonyuh ahtoi'ndo.

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

1 TIMOTEUS 6:3

Ia-iai ngajar ajaran ijo bohkon tahkanmba orih, tutang eam sotuju umba ajaran ijo morong tahkan Tuhan ihto Yesus Kristus, tutang umba ajaran agaman ihto,

2 TIMOTEUS 1:18

Tutang ihko ta'an ijo ang Epesus, io aro samasino dohop ahku. Keleh Tuhan nunjuk balos kasih ahkaioh aang ondou Tuhan mosara paring ukup kolunon.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

PONGORINAH 2:14

Tahpiolu kolourih, anai pira-pira hal ijo Ahku eam ngojorihoh tahkan ihkam: Anai ihcokobagi ulun ang louk ihkam ijo nutut umba ijo tongajar, bain Bileam. Bileam majar Balak koloukuwoh nombohos ukup Israel koluwang dusa; honong ngota'u iro kuman ukun ijo jari tononga ahkan dewa tutang nguan gawi ijo kihal.

PONGORINAH 2:20

Tahpi tuh kobahat-Ku toharep'mu, Ihkam nonga ahtoi ahkan Isabel, ulunbawi ijo ngaku aropoh suruhan Pohotala rih. Jari aro jihpok-jihpok-Ku ijo tonoalikoh, tutang tongajaroh ahkan nguan kihal, tutang ahkan kuman ukun ijo jari tonyorah ahkan songiangdewa.