1 TIMOTEUS 1:16 - BOWOT BOHUA

¹⁶ Tahpi justru bain kotului orih rih, Pohotala ngasi ahku, mangat Kristus Yesus duon monunjukoh paring kosabaran-Oh toharep ahku, ulun ijo paling bodusa tuh. Tutang tuh monjadi ihco sutu ahkan paring ulun ijo noin ahkan porocaya ahkai-Oh tutang dahpot pombolum sojahti tutang kototahiu.

1 TIMOTEUS 1:16 ပူးပေါင်းရင်းမြစ်များ

LUKAS 15:10

Kolourih ka'a molehkat-molehkat Pohotala paham kojorihoh amat anai ihcoulun ja'at hubah tahkan dusa-dusan iro. Porocaya bewe!’’

LUKAS 23:43

‘‘Porocayarih,’’ hion Yesus umba io, ‘‘ondou tuh ihko ahkan hihco Ahku ang Pirdaus.’’

LUKAS 7:47

Tu'u-tu'u: pongasihoh ijo hajo rih bokorinah ijo dusaioh ijo aro jari dahpot apun! Amat ulun tonapun honjiot, io ahkan pongasioh honjiot ka'a.’’

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 3:36

Ulun ijo porocaya ahkan Anak rih ahkan monorima pombolum ijo sojahti tutang kototahiu. Tahpi ulun ijo eam te'et ahkan Anak rih eam ahkan duon pombolum. Io tomohukum Pohotala nyiring kototahiuoh.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 6:54

Ulun ijo kuman usi-Ku tutang ngorih daha-Ku, io tepun pombolum sojahti tutang kototahiu, tutang Ahku ahkan ngobolumoh aang Ondou Kiamat.

RUMA 15:4

Paring ijo tonyurat ang luwang Surat Borasih anairih, mangat majar ihto. Tului ajaran ijo ihto torimaoh rih tahkan Surat Borasih ngonjorian ihto sabar tutang ba'as nyiring ihto tou bokoharap umba Pohotala.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

1 KORINTUS 7:25

Huntuh tohou ulun-ulun ijo jaha kawin. Tohou hal orih ahku eam norima poretah ino-inon tahkan Tuhan. Olu kodorih ulun ijo tului norima pononganasi Tuhan pahtut tomorocaya, ahku kani nonga tingak iou.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

EPESUS 1:12

Nauhoh ihto, ijo pahtu-pahtukoh bokoharap umba Kristus, monara Pohotala tului kohajoi-Oh!

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

EPESUS 2:7

Pohotala nguan orih, mangat aang jaman ijo ahkan lombut kolunon dahpot nopahjah eaminon kohajoioh asin Pohotala. Asiu rih tongorinah Pohotala, nguha kohinut ahtoi-Oh ahkan ihto, umba poholat Kristus Yesus.

2 TESALONIKA 1:10

paringohrih ahkan nyolung ang ondou Io lombut noin ahkan tongohajo bain ukup-Oh, tutang ahkan tonohoromat bain paring ulun ijo porocaya. Ihkam ka ahkan anai ang louk ukup ain Pohotala rih, kotului ihkam jari porocaya umba kabar ijo ihkai ngitotoh ahkan'kam.

1 TIMOTEUS 1:13

oluka soun ahku mopitnah tutang ngoporos hawui mohina Io. Tapi Pohotala mongasih ahku, kotului ang ohkot orih ahku jaha porocaya, jadi ahku eam kota'an inon ijo ahku nguai.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 PETRUS 3:20

yorih roh, ulun-ulun ijo eam te'et umba Pohotala ang jaman Noah. Ang ohkot orih, Pohotala ngindoi honong sabar, kotahin Noah nguan bonamaoh. Tihkas ulun-ulun ijo ang bonama iou – paringoh jalu behti – ijo tonyolamat nguha danumsuhu hajo rih.

2 PETRUS 3:15

Ngohurih kosabar Tuhan ihto kolou kosapet ijo tononga-Oh ahkan'kam, mangat dahpot solamat. Paulus, konduang ihto ijo tonokasih, jari nyurat ijo kolourih ka'a ahkan'kam. Io nyurat rih umba kopihtaran ijo tononga Pohotala ahkaioh.

2 PETRUS 3:9

Tuhan eam borahkah nonga inon ijo jari tonobowot-Oh, oluka anai ihco ngohu kolourih. Sobalikoh Io sabar toharep'kam, kotului Io eam kani ihcobehti ka rusak. Io jolik mangat paring ulun hubah tahkan dusai-dusaioh.