1 TIMOTEUS 1:14 - BOWOT BOHUA

¹⁴ Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

1 TIMOTEUS 1:14 ပူးပေါင်းရင်းမြစ်များ

MATEUS 20:9

Turus lombut rih ponggawi-ponggawi rih, ijo pongo bogawi, nopara tahkan pukul limo cohit. Iro nyino-nyinongbehti norima ihco duit perak.

KESAH RASUL-RASUL 15:11

Sobalikoh, ihto porocaya tutang ihto tonyolamat tului sita asi tahkan Yesus Kristus Tuhan; kodorih ka'a iro.’’

RUMA 16:20

Pohotala ijo nonga kosanangkomangat ahkan ulun, ahkan jeleng ngina Sehtan pinda kowasai'mu tutang moluhtekoh. Keleh Konduang-konduang toturus tomorehkat bain Yesus Kristus Tuhan ihto!

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

1 KORINTUS 3:10

Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

2 KORINTUS 4:15

Paringoh rih anaioh ahkan kogunan'kam. Tului mahi-mahi aro ulun nginyam kasih Pohotala, mahi-mahi aro hino do'a torimakasih ijo tonyapai ahkan Pohotala; honong kodorih Pohotala tonotara.

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

GALATIA 1:13

Punai ihkam jari ngonih tohou pombolum aik'ku lomoi, kolou ihcobehti ponambit agama Yahudi. Ihkam kota'an koloukuwoh kejamoh ahku hogoguan ukup Pohotala tutang koloukuwoh kopahamoh ahku bousaha molonyuhoh.

1 TESALONIKA 5:8

Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

1 TIMOTEUS 2:15

Oluka kodorih, ulunbawi ahkan solamat kotului nganak anak, asar io honong randah ahtoi, tehtep porocaya umba Kristus, tutang tehtep ngasih ulun bohkon, hawui bolum khusus ahkan Pohotala.

1 TIMOTEUS 4:12

Ara mohanau ihcobehti ka ngohu ihko randah kotului ihko magun biou. Sobalikoh hondakrih ihko monjadi sutu bagi ulun-ulun porocaya a'ang pander'mu tutang hadat'mu, a'ang cara ihko mongasih sosama tutang porocaya umba Yesus Kristus, tutang umba pombolum'mu ijo borasih.

1 TIMOTEUS 6:11

Tahpi ihko anairih ulun ain Pohotala, jadi ihko harus ngomahcu paringoh rih. Bousaha monjadi ulun ijo morong ang mahtan Pohotala, ijo mongabdi umba Pohotala, porocaya umba Kristus, mongasih sosama, tahan a'ang kokarot, tutang sihkap bolomu lembai.

2 TIMOTEUS 1:13

Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

TITUS 2:2

Ningakrih ulun-ulun bahkas ijo ohko, mangat iro nahan aropoh, bijaksana tutang bolum kolou ulun ijo pahtut tonohoromat. Iro harus ka'a nambit aang ajaran ijo morong tahkan Pohotala, mongasih honong soporuna, tutang ngarot honong tabah.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 22:21

Pios Tuhan Yesus nonga borehkat-Oh ahkan paring ukup Pohotala!